समुन्नत नेपालद्वारा जनकपुर उपमहानगरपालिकासँग कार्यक्रम नगर शिक्षा याेजना हुनुपर्नेमा वक्ताहरुको जोड

1 वर्ष पहिले प्रकाशित

Esandhyakalin

जनकपुरधाम, वैशाख ६ गते । जनकपुरधाम उपमहानगरपालिकामा नगर शिक्षा याेजना घाेषणा हुनुपर्नेमा एक कार्यक्रमका वक्ताहरुले जाेड दिएका छन् ।

समुन्नत नेपालद्वारा शनिवार आयोजित एक कार्यक्रममा गुणस्तरीय शिक्षा र समुदाय सशक्तीकरणका माध्यमवाट नवीन कार्यक्रमहरू अघि बढाउदै सराेकारवालाहरूसंग सहकार्य गरेकाे बताए ।

समुन्नत नेपाल र युनिसेफकाे सहयाेगमा सञ्चालित विद्यालाय बाहिर रहेका किशाेर किशोरीहरूलाई शिक्षा, सीप विकास र राेजगारीका अवसरहरू प्रदान गर्न सहजीकरण गर्ने जनाए ।

जनकपुरधाम उपमहानगरपालिकाका प्रमुख मनाेज कुमार साहले परियाेजनालाई पारदर्शी, परिणाममुखी र स्थानीय तहसंग समन्वयमा कार्यान्वयन गर्न आग्रह गरे । उहाँले यस्ता अभियानले हजाराै बालबालिकाहरूलाई विद्यालयमा भर्ना गराउन सहयाेग पुग्ने बताए ।

त्यस्तै शिक्षा, विज्ञान तथा प्रविधि मन्त्रालय काठमाडौँका उपसचिव निलकण्ठ ढकालले दलित र सीमान्तीकृत समुदायमा शिक्षाकाे महत्वबारे जानकारीकाे कमी, आर्थिक अभाव, नागरिकता र जन्मदर्ता नहुनुजस्ता समस्याहरूले गर्दा बालबालिका पठ्नपाठनबाट बञ्चित रहेकाे ध्यानाकर्षण गराए ।

उहांले मधेश र लुम्बिनी प्रदेशका क्रमश १३६ र १०९ ओटा गाउँ तथा नगरपालिकासंग समुन्नत नेपालले समन्वय गरि कार्यक्रम गरेकाे जानकारी गराए । साथै शिक्षामा साक्षर घाेषणा गर्नु सरकारकाे अभियानकाे रूपमा रहेकाे बताए ।

कार्यक्रममा जनकपुरधाम उपमहानगर पालिकाका शिक्षा प्रमुख धिरेन्द्र कर्ण, अञ्जु पाण्डे, सामाजिक विकास समितिका अध्यक्ष मिथिलेश कर्ण, समुन्नत नेपालकाका निर्देशक पवन कुमार अधिकारी, टिम लिडर नवराज जाेशी, फिल्ड अधिकृत रामबएकवाल महरा, हनुमान सिकाई केन्द्रका अध्यक्ष उषा साह लगायतका उपस्थिति रहेका थिए ।