जानकी महिला जागरन समाज जनकपुरधामद्वारा पालिकास्तरीय गाेष्ठिकाे आयाेजना

2 वर्ष पहिले प्रकाशित

Esandhyakalin

जनकपुरधाम, वैशाख १० गते । मधेश प्रदेशकाे राजधानी जनकपुरधाममा पालिकास्तरीय परिचयात्मक कार्यशाला गाेष्ठी सम्पन्न भएकाे छ ।

जानकी महिला जागरन समाज जनकपुरद्वारा बुधवार पालिकास्तरीय परिचायाच्मक कार्यक्रमकाे आयाेजना गरिएकाे हाे ।

सी लिड्स परियाेजनाद्वारा सञ्चालित जीवनपयाेगी शिक्षा र जीविकाेपार्जन सहयाेग संस्थाकाे प्रमुख कार्य क्षेत्र रहेका वक्ताहरूले बताए ।

जनकपुरधाम उप-महानगरपालिकाका प्रमुख मनाेज कुमार साहले प्रमुख अतिथिकाे आसनवाट बाेल्दै कार्यक्रमहरू सञ्चालनले समुदायमा सामाजिक न्याय, स्वास्थ्य , शिक्षा र सामाजिक सशक्तीकरणमा पूर्वाधार विकास प्रवर्द्धन हुने जाेड दिए ।

उनले परियाेजनाद्वारा सञ्चालन हुने १८ महिने कार्यक्रममा १३ वटा वडा समावेश भएकाेले वडाअध्यक्ष तथा वडा सदस्यलाई कार्यक्रम स्थलमा गई अनुगमन गर्न आग्रह गरे ।

उनले विवाहित किशाेरी महिलाहरूलाई आफ्नै साना व्यवसायिक उद्यमहरू स्थापना र सञ्चालन गर्न प्रेरित गरे ।

जानकी महिला जागरन समाज जनकपुरकी अध्यक्ष मन्दाकनी कर्णले सी लिड्सद्वारा सञ्चालन भएकाे परियाेजना जीवनाेपयाेगि शिक्षाकाे रूपमा विवाहित किशाेरीहरूका लागि महिला सशक्तीकरण र नेतृत्व क्षमतामा टेवा पुग्ने बताईन् ।

उनले १५ देखि २५ वर्ष उमेर समूहका सीमान्तीकृत महिला किशोरीहरूलाई सशक्त बनाउन सिकाई केन्द्र १७ वटा रहेकाे र सहभागी संख्या २५ जना सम्म हुने जानकारी दिईन् ।

अध्यक्ष कर्णले दात्री निकायकाे रूपमा स्ट्रिट चाइल्ड युके रहेकाे बताउंदै कार्यक्रममा जम्मा वजेट ६१ लाख ९१ हजार ५ सय रहेकाे उल्लेख गरिन् ।

कार्यक्रममा जनकपुरधाम उपमहानगरपालिकाका उपमेयर किशाेरी साह, शिक्षा प्रमुख धिरेन्द्र कर्ण, नेपाल पत्रकार महासंघका केन्द्रीय सदस्य राजेश कर्ण, जानकी महिला जागरण समाज जनकपुरका कार्यक्रम व्यवस्थापक विष्णु भण्डारी , कार्यक्रम संयाेजक सुखदेव ठाकुर, अनुगमन अधिकृत सुसमिता ठाकुर, वडाअध्यक्षहरू लगायतका उपस्थिति रहेकाे थियाे ।