छुट्टाछुट्टै दुर्घटनामा परी दुई जनाको मृत्यु
1 वर्ष पहिले प्रकाशित
Esandhyakalin
जनकपुरधाम, माघ ४ गते । धनुषामा आज बिहान भएको छुट्टाछुट्टै दुर्घटनामा परी दुई जनाको मृत्यु भएको छ । जनकपुरधामको परिक्रमा तथा जनकपुर–ढल्केवर सडकमा भएको दुर्घटनामा दुई जनाको मृत्यु भएको प्रहरीले जनाएको छ ।
जनकपुरधामको परिक्रमा सडकमा बालुवा लोड गरेको टिपरले ठक्कर दिँदा एक जना पैदल यात्रीको घटनास्थलमै मृत्यु भएको छ ।
मृत्यु हुनेमा पैदल यात्री महोत्तरीको महोत्तरी गाउँपालिका–५ बस्ने वर्ष ६० का सत्यनारायण साह रहेको जिल्ला प्रहरी कार्यालय धनुषाका प्रवक्ता प्रहरी नायव उपरीक्षक अरुण बहादुर सिंहले जानकारी दिनुभयो ।
आज बिहान ९ बजेको समयमा जनकपुरधाम उपमहानगरपालिका ७ परिक्रमा सडकमा बाटो काट्दै गरेका पैदल यात्री साहलाई ना ६ ख ४५३७ नम्बरको टिपरले ठक्कर दिएको थियो । उनको घटनास्थलमै मृत्यु भएको प्रहरी जनाएको छ ।
यसैबीच टिपर तथा टिपरका चालकलाई प्रहरीले नियन्त्रणमा लिएको छ । स्थानीयबासीले ट्रकका चालकले जानी-जानी ठक्कर दिएको आरोप लगाएका छन् । घटनाबारे अनुसन्धान भइरहेको प्रहरीले जनाएको छ ।
यसै गरि जनकपुरबाट ढल्केवरतर्फ गइरहेको ज ८ प ३६१५ नम्बरको मोटरसाइकललाई सोही दिशाबाट आइरहेको नम्बर नखुलेको कारले ठक्कर दिँदा धनुषाको मिथिला विहारी नगरपालिका–२ राघोपुर निवासी वर्ष २५ को नागेन्द्र मण्डलको मृत्यु भएको प्रहरीले जनाएको छ ।
बिहान ८ः ३० बजे भएको सो दुर्घटनाको अनुसन्धानका लागि बा १३ च ९२९२ नम्बरको कार तथा त्यसका चालकलाई नियन्त्रणमा लिएको धनुषाका प्रहरी नायव उपरीक्षक बरुण बहादुर सिंहले जानकारी दिनुभयो ।
ट्रक चालक धनुषाको मिथिला नगरपालिका ११ लालगढका ४१ वर्षीय शिव कुमार दमाईलाई प्रहरीले पक्राउ गरेको छ ।
साभार ः रेडियो नेपाल
राष्ट्रपति पौडेल र जापानका प्रधानमन्त्रीबीच भेट
टोकियो, माघ २० : राष्ट्रपति रामचन्द्र पौडेलले नेपाल जापान बीच कूटनीतिक सम्बन्ध स्थापना भएदेखिका सम्बन्धहरू अझ नि..
1 दिन पहिले
सामाजिक सञ्जाल नियमन सम्बन्धी विधेयक संसदबाट फिर्ता लि..
काठमाडौं, माघ २० : सरकारले सामाजिक सञ्जालको संचालन प्रयोग तथा नियमन गर्न बनेको विधेयक सम्बन्धमा व्यवस्था गर्न बन..
1 दिन पहिले
राष्ट्रिय सभा सदस्यको रिक्त पदपूर्तिका लागि माघ ११ गते न..
काठमाडौँ ,कार्तिक १२ गते । सरकारले राष्ट्रिय सभा सदस्यको रिक्त पदपूर्तिका लागि माघ ११ गते आइतबारका दिन निर्वाच..
3 महीना पहिले
मधेश प्रदेशमा समुद्री आँधी “मोन्था” को उच्च जोखिम, सजग र..
जनकपुरधाम,कार्तिक १२ गते । मधेश प्रदेशका मुख्यमन्त्री जितेन्द्र सोनलको अध्यक्षतामा प्रदेश विपत व्यवस्थापन क..
3 महीना पहिले
कांग्रेस नेता पौडेल भन्छन्– नियमित महाधिवेशन सम्भव छ, नय..
काठमाडौं, कात्तिक ११ : नेपाली कांग्रेसका नेता प्रदीप पौडेलले पार्टीको नियमित महाधिवेशन सम्भव रहेको र नयाँ नेतृ..
3 महीना पहिले
-
सामाजिक सञ्जाल नियमन सम्बन्धी विधेयक संसदबाट फिर्ता लिने सरकारको निर्णय
-
राष्ट्रिय सभा सदस्यको रिक्त पदपूर्तिका लागि माघ ११ गते निर्वाचन
-
मधेश प्रदेशमा समुद्री आँधी “मोन्था” को उच्च जोखिम, सजग रहन मुख्यमन्त्रीको अपिल
-
कांग्रेस नेता पौडेल भन्छन्– नियमित महाधिवेशन सम्भव छ, नयाँ नेतृत्वको मुद्दा यसैले सम्बोधन गर्छ