Gen-Z आन्दोलन मा शहीदहरूको सम्झनामा जनकपुरधाममा श्रद्धाञ्जली सभा सम्पन्न

8 महीना पहिले प्रकाशित

Esandhyakalin

जनकपुरधाम, अशोज १ ।मधेस स्वास्थ्य विज्ञान प्रतिष्ठान (MISH) जनकपुरधामको प्राङ्गणमा बुधबार साँझ एक श्रद्धाञ्जली सभा तथा दीप-प्रज्वलन कार्यक्रम सम्पन्न भएको छ।

यस कार्यक्रमको आयोजना अस्पताल वि.स. कर्मचारी यूनियन, प्रादेशिक अस्पताल जनकपुरधाम, र **MISH एकाई समिति**ले संयुक्त रूपमा गरेका थिए।

कार्यक्रम यूनियनका अध्यक्ष **डा. अनिल कुमार ठाकुर**को अध्यक्षतामा सम्पन्न भएको थियो। कार्यक्रममा सहभागीहरूले "Gen-Z आन्दोलन" का क्रममा दिवंगत वीर शहीदहरूको सम्झनामा श्रद्धाञ्जली अर्पण गर्दै शोकाकुल परिवारप्रति समवेदना प्रकट गरे। साथै घाइतेहरूको शीघ्र स्वास्थ्य लाभको कामना पनि व्यक्त गरिएको थियो।

कार्यक्रममा डा. अंकुर शाह (उपकुलपति, MISH), डा. जामुन प्रशाद सिंह (निर्देशक, प्रादेशिक अस्पताल जनकपुरधाम), डा. रामजी यादव (अध्यक्ष, नेपाल मेडिकल एशोशियसन जनकपुर), डा. रामज्ञान यादव (सचिव), अस्पताल मेट्रोन रन्जु यादव, अस्पताल प्रशासक मेनुका झा, नर्सिङ क्याम्पस संयोजक सन्ध्या दास, यूनियन उपाध्यक्ष डा. राजेश शाह, सचिव अजित तिवारी, सल्लाहकार एम.के. झा लगायत सयौं सहभागीहरूको उपस्थिति रहेको थियो।

कार्यक्रममा सहभागीहरूले एक मिनेट मौनधारण गरी पुष्पमाला अर्पण तथा दीप प्रज्वलन गरेर शहीदहरूलाई श्रद्धाञ्जली अर्पण गरेका थिए।