सिरहा र सर्लाहीमा सीटी स्क्यान सेवा संचालनको तयारी

3 वर्ष पहिले प्रकाशित

Esandhyakalin

राहुल कुमार सिंह

जनकपुरधाम, फागुन ११ गते ।मधेश प्रदेशको सिरहा र सर्लाही जिल्ला अस्पतालमा सीटी स्क्यान सेवा संचालनको लागि तयारी शुरु गरिएको छ । मधेश प्रदेश सरकारको प्रदेश स्वास्थ्य आपुर्ति व्यवस्थापन केन्द्रले उतm सेवा संचालनको तयारी अन्तर्गत बिहीवार बोलपत्र आह्वन गरेको प्रदेश स्वास्थ्य आपुर्ति व्यवस्थापन केन्द्रका प्रमुख डा.मनिष पाण्डेले जानकारी दिएका छन । केन्द्रले आह्वान गरेको वोलपत्रमा १२८ स्लाईसको सीटी स्क्यान मेसिन र मेसिन प्रयोगका लागि निर्धारित मापदण्ड बमोजिमको भवन निर्माणको कार्य पनि रहेको प्रमुख पाण्डेले बताए । सीटी स्क्यान मेसिन र भवन निर्माणका लागि १९ करोड २५ लाख टेण्डर रकम निर्धारण गरिएको छ । केन्द्रले टेण्डरका लागि गोरखापत्रमा सूचना प्रकाशन गरेको र शुक्रवारदेखि टेण्डर भर्ने क्रम जारी रहेको बताईएको छ । सिरहा र सर्लाही जिल्लाको अस्पतालमा सीटी स्क्यान सेवा संचालन भएपछि सो क्षेत्रका बिरामीलाई अन्यत्र जानुपर्ने बाध्यता अनत्य हुने सिरहा औरही गाउंपालिकाका रामसुन्दर कामतीले बताएका छन । मधेश प्रदेश सरकारको स्वास्थ्य तथा जनसंख्या मन्त्री बिरेन्द्र सिंहले दुबै जिल्लामा छिटटै प्रक्रिया पुरा गरी सीटी स्क्यान सेवा संचालनमा आउने र यसले दुबै जिल्लाका बिरामीलाई सहज हुने बताएका छन ।