
झापामा आइतबारदेखि निषेधाज्ञा
4 वर्ष पहिले प्रकाशित
Esandhyakalin

१७ वैशाख, बिर्तामोड । झापामा जिल्ला प्रशासन कार्यालयले आइतबारदेखि राति १२ बजेदेखि निषेधाज्ञा लगाएको छ ।
प्रमुख जिल्ला अधिकारी श्रवणकुमार तिमिल्सिनाले शुक्रबार निषेधाज्ञाको आदेश जारी गर्दै वैशाख २६ गते राति १२ बजेसम्म अत्यावश्यक कामबाहेक घरबाहिर निस्कन नपाइने उल्लेख गरेका छन् । त्यस्तै कुनै भेला जुलुस, सभा सम्मेलन गर्न नपाइने, हाट बजार मेला जात्रा महोत्सव, भोज गर्न पनि नपाइने निषेधाज्ञामा उल्लेख गरिएको छ ।
निषेधाज्ञामा सिनेमा हल, पार्टी प्यालेस, स्वीमिङ पुल, मनोरञ्जनस्थल, सैलुन ब्युटी पार्लर, जिमखाना, समूहमा खेलिने खेल, पुस्तकालय, संग्रहालय पनि बन्द हुने भएका छन् ।
यातायातमा जोरविजोर
कोरोना भाइरसको दोस्रो लहरको संक्रमण बढेको भन्दै रोकथामका लागि कोभिड–१९ जिल्ला संकट व्यवस्थापन केन्द्रले एक साताका लागि जोर गते जोर नम्बर प्लेटका र बिजोर गते बिजोर नम्बर प्लेटका गाडी मात्र चल्न पाउने निर्णय गरेको हो ।
एम्बुलेन्स, खानेपानी, स्वास्थ्य, खाद्यान्न, बैंक, वित्तीय संस्था, फोहोरमैला व्यवस्थापन लगायतका अत्यावश्यक सेवामा चाहिँ जोर–विजोर लागू नहुने भनिएको छ । केन्द्रको शुक्रबार बसेको बैठकले सरकारी कार्यालय, बैंक तथा विमालाई पनि आलोपालो प्रणालीमा सञ्चालन गर्न भनेको छ । साथै, सबै प्रकारका सभासम्मेलन, सेमिनार, गोष्ठी, मनोरञ्जन स्थल लगायत बन्द गर्न पनि भनिएको छ ।
नेपाल रेडक्रस सोसाइटी झापा शाखाका सभापति लोकराज ढकालका अनुसार सर्वसाधारणलाई पनि अत्यावश्यकबाहेक हिँडडुल नगर्न आग्रह गर्ने निर्णय भएको छ । काँकरभिट्टा र खजुरगाछीबाहेकका नाकाबाट नागरिकहरुलाई प्रवेश गर्न निषेध गर्ने पनि भनिएको छ ।
कसैले मापदण्डको उल्लंघन गरे संक्रामक रोग नियन्त्रण ऐनअनुसार कारबाही हुने भनिएको छ ।

जनकपुरधाममा भोलिदेखि तेस्रो मेयर कप क्रिकेट प्रतियोगित..
जनकपुरधाम ,वैशाख २५ गते । जनकपुरधाममा भोली देखि तेस्रो जनकपुरधाम मेयर कप टि–२० क्रिकेट प्रतियोगिता २०८२ हुने ..
14 घन्टा पहिले
भारत-पाकिस्तान द्वन्द्वपछि नेपाल-भारत सीमा र विमानस्थल..
काठमाडौं वैशाख २४ : भारत–पाकिस्तानबीचको द्वन्द्व चर्किएपछि सीमा र विमानस्थललगायतका संवेदनशील क्षेत्रमा नि..
2 दिन पहिले
‘अपरेशन सिन्दूर’लाई जनकपुरधामबाट समर्थन—नेपाल–भारत ख..
जनकपुरधाम, वैशाख २४ गते । नेपाल भारत खुला सीमा संवाद समूहले भारत सरकारले पाकिस्तानका नौ स्थानमा गरेको ‘अपरेशन स..
2 दिन पहिले
बाढीले कमला नदीको अस्थायी पुल बगाउँदा हुलाकी सडक अवरुद्..
जनकपुरधाम ,वैशाख २३ गते । सिरहा र धनुषा जोड्ने कमला नदीमा बाढी आएपछि हुलाकी राजमार्ग अवरुद्ध भएको छ ।बाढीले अस्था..
3 दिन पहिले
पूर्वमन्त्री एवम् एमाले नेता प्रदीप नेपालको निधन
काठमाडौं ,वैशाख २३ गते । पूर्वमन्त्री तथा नेकपा एमालेका नेता प्रदिप नेपालको निधन भएको छ । लामो समयदेखि पार्किन्स..
3 दिन पहिले