
नयाँ वर्षसँगै मिथिलामा भोली जुडशीतल पर्व मनाइने
1 महीना पहिले प्रकाशित
Esandhyakalin

जनकपुरधाम,बैशाख १ गते । नयाँ वर्षका दिन आज मिथिलाका घर घरमा खानाका विभिन्न परिकारहरू तयार पारेर खाने चलन रहेको छ । यस दिन मुरिंगाको तरकारी अनिवार्य रुपमा खाने चलन रहेको छ । यसका साथै तरुवा, वडी, कडही जस्ता परिकारहरू तयार पारेर खाने तथा खुवाउने चलन रहेको छ ।
आज तयार पारेका खाद्यान्न मध्ये केही खाद्यान्न चोखो राखेर घरको ढोकाहरूमा भोली चढाउने प्रचलन मिथिलामा रहेको छ । यसका साथै भोली मिथिलाका ग्रामीण तथा शहरी क्षेत्रमा पनि शुद्ध माटोको हिलो छ्याप गरेर थाल पानी (माटो पानी) खेल्ने चलन रहेको छ । शुद्ध माटो शरीरको तापक्रमलाई कम गर्नमा मद्दत पुग्नुका साथै कतिपय चर्म रोग निको पार्ने भएकाले थाल पानी (माटो पानी) खेल्ने चलन रहेको छ ।
त्यसपछि नदी, पोखरी वा जलाशय स्नान गरेर नयाँ वर्षमा तयार पारेर पानीमा राखेको बासी भात तथा तरुवा सहितका परिकारहरू कूल देउतालाई चढाउने र खाने चलन रहेको छ ।
बिहान उठ्ने बित्तिकै घरका मूल व्यक्तिले बासी पानी लोटामा राखेर परिवारका हरेक सदस्यको टाउकोमा आजुरमा राखी आर्शिवाद दिने गर्दछन् । जसलाई जूडशितल पर्व भनिन्छ भने थारु समुदायले यसैलाई शिरुवा पर्व भन्ने गर्दछन् । यो पर्व मैथिली भाषीका साथै भोजपुरी तथा अवधि भाषीले पनि मनाउँछन् ।
शिरुवा पर्वको अवसरमा मधेश प्रदेश सरकारले वैशाख २ गते सोमवार सार्वजनिक बिदा पनि दिएको छ ।
साभार : रेडियो नेपाल

धनुषाको वाटर पार्कमा विद्यार्थी र प्रहरीबीच झडप, प्रहरी..
जनकपुर, जेठ ३ : धनुषाको क्षिरेश्वरनाथ नगरपालिका–१ रम्दैयास्थित वान्डरल्याण्ड वाटर पार्कमा विद्यार्थी र प्रह..
11 घन्टा पहिले
‘लोकतान्त्रिक गणतन्त्रात्मक शासन व्यवस्थाको विकल्प छै..
काठमाडौं, जेठ ३ : नेपाली कांग्रेसका सभापति शेरबहादुर देउवाले सबैको प्रतिनिधित्व सुनिश्चित भएको समावेशी सिद्धा..
11 घन्टा पहिले
गैरसरकारी संस्थाको शहीद नगरपालिका स्तरीय समिक्षा गोष्ठ..
चन्दन ठाकुर जनकपुर, २ जेठ । वालिका सशक्तिकरण परियोजना प्रारम्भिक वाल विकास सम्बन्धि शहीद नगरपालिका स्तरीय समिक्..
1 दिन पहिले
वालवालिका सशक्तिकरण परियोजनाको अनुगमन
चन्दन ठाकुर जनकपुरधाम, २ जेठ । प्लान इन्टरनेशनल नेपालको आर्थिक सहयोग तथा सर्पोट नेपालको सहजीकरणमा धनुषाको श..
1 दिन पहिले
महालेखाद्वारा प्रदेश प्रमुखसमक्ष वार्षिक प्रतिवेदन पे..
जनकपुरधाम ,जेठ १ गते । महालेखा परीक्षकको कार्यालयले मधेश प्रदेशका प्रदेश प्रमुख सुमित्रा सुवेदी भण्डारीसमक्ष ..
2 दिन पहिले