सिम्रौनगढमा भीषण हावाहुरी र असिना पानीले ठूलो क्षति, एकको मृत्यु
6 महीना पहिले प्रकाशित
Esandhyakalin
वीरगंज,वैशाख १५ गते । बाराको सिम्रौनगढ इलाकामा गएराती आएको भीषण हावाहुरी र असिना पानीले ठूलो क्षति पुर्याएको छ ।
प्राकृतिक प्रकोपमा परी एक जनाको मृत्यु भएको छ भने करोडौँ रुपैयाँ बराबरको कृषि बाली र तरकारी खेतीमा क्षति पुगेको स्थानीयले बताएका छन् ।
मृत्यु हुनेमा बारा सिम्रौनगढ नगरपालिका–बडा नम्बर १ खजानी टोल निवासी रामबिलास साह कलवारकी ५० वर्षीया श्रीमती मनतुरा देवी रहेकी छन् । स्थानीय लालबाबु कुशवाहाका अनुसार, राति असिना पानी, र हावाहुरी चलिरहेको समयमा ठूलो आवाजसहित चट्याङ पर्दा मनतुरा देवीलाई हृदयघात भएको र घटनास्थलमै उनको मृत्यु भएको हो ।
त्यसैगरी, हावाहुरी र असिनापानीले सिम्रौनगढ इलाकामा लगाइएको अन्नबाली र तरकारी खेतीमा ठूलो क्षति पुर्याएको छ । सिम्रौनगढ इलाकाको खजानी, झवानी, नैकाटोला, अमृतगन्ज, जानकी नगर, बैरिया, हरिहरपुर, गङ्गानगर, सतुवाही, अमरपुर, कमलपुर, इटवाल, कनकपुर, देवापुर, टेटा, पर्सा र सिम्रौनगढ बजारलगायतका गाउँहरूमा लगाइएको मकै, काउली, टमाटर, बोडी, करेला, लौका, खिरा, भिन्डी र भन्टा लगायतका सबै बाली नष्ट भएका छन् ।
यस क्षेत्रमा सबैभन्दा बढी क्षति खजानीमा भएको छ, । खजानीमा हावाहुरीले दर्जनौँ कच्ची घरको छाना उडाएको छ भने अन्नबाली र तरकारी खेतीमा ठूलो क्षति पुर्याएको छ । स्थानीय पीडितहरूका अनुसार, आँपको चिचिला, केरा खेती र फलफूल खेतीमा समेत ठूलो क्षति पुगेको छ ।
साभार : रेडियो नेपाल
उदाउँदो सूर्यलाई अर्घ्य दिइयो, छठपर्व सम्पन्न
काठमाडौं ,कार्तिक ११ गते । सूर्यदेवको श्रद्धा भक्तिपूर्वक पूजा आराधना गरी मनाइने छठपर्व आज बिहान उदाउँदो सूर्यल..
22 घन्टा पहिले
प्रधानमन्त्री कार्कीद्वारा कमलपोखरीमा छठीमाईको पूजा
काठमाडौं, कात्तिक १० : प्रधानमन्त्री सुशीला कार्कीले काठमाडौँको कमलपोखरी पुगेर छठीमाईको पूजा गरेकी छन्। सोम..
22 घन्टा पहिले
छठ पर्वको मुख्य दिन : अस्ताउँदो सूर्यलाई विधिपूर्वक अर्घ..
काठमाडौँ ,कार्तिक १० गते । कार्तिक शुक्ल षष्ठी अर्थात् छठ पर्वको मुख्य दिन आज साँझ अस्ताउँदो सूर्यलाई पूजा आरा..
2 दिन पहिले
नवनियुक्त दुई मन्त्रीले लिए शपथ
काठमाडौं, कात्तिक ९ : नवनियुक्त दुई मन्त्रीले शपथ ग्रहण गरेका छन्। राष्ट्रपति निवास शितलनिवासमा आयोजित विशे..
2 दिन पहिले
बेहुली झैं सिँगारिए रौतहटका छठ घाटहरू
रौतहट, कात्तिक ८ : आस्थाको महान पर्व छठका लागि अहिले रौतहटका नदी, खोला ताल तथा पोखरीहरु बेहुली झैं सिँगारिएका छन्।..
3 दिन पहिले