वर्षाका कारण प्रधानमन्त्री कप अन्तर्गत दुई खेल रद्द

2 महीना पहिले प्रकाशित

Esandhyakalin

जनकपुरधाम, चैत्र ७ गते । मधेश प्रदेशको जनकपुरधाम तथा पर्सा जिल्लामा आजदेखि शुरु हुने एक दिवसीय प्रधानमन्त्री कप क्रिकेट प्रतियोगिता अन्तर्गतका दुवै खेल वर्षाको कारण रद्द भएका छन् ।

शनिबार प्रतियोगिताको उद्घाटन खेल मधेस प्रदेशको राजधानी जनकपुरधाममा हुने खल तालिका थियो भने दोस्रो खेल वीरगञ्जमा हुने तय थियो ।

जनकपुरधाममा खेल सुरु नहुँदै मधेस प्रदेश र कोशी प्रदेशबीचको खेल रद्द भएको छ भने वीरगञ्जमा कर्णाली र लुम्बिनी प्रदेशबीचको खेल सुरु भए पनि वर्षा सुरु भएपछि खेल रद्द भएको आयोजकले नेपाल क्रिकेट सङ्घले जनाएको छ । दुवै खेल रद्द भएपछि चारवटै टिमलाई एक एक अंक प्राप्त गरेको छ ।

आइतबार जनकपुरधाम र वीरगञ्जमा खेल नहुने तालिका रहेको छ । सात वटा प्रदेशका ७ टिम र ३ वटा विभागीय टिम गरेर कूल १० टिमको सहभागी रहेको प्रतियोगिता यस पटक मधेस प्रदेशको जनकपुरधाम र वीरगञ्ज तथा काठमाडौँमा हुँदैछ । अंक तालिकाको शीर्ष २ मा रहने टिमबीच फाइनल खेल हुनेछ । फाइनल खेल पर्साको वीरगञ्जमा हुने तालिका छ ।

यसैबीच जनकपुरधामको रामजानकी बहुउद्देश्यीय अन्तर्राष्ट्रिय रङ्गशालामा प्रतियोगिताको उद्घाटन गर्दै मधेश प्रदेशका युवा तथा खेलकुद मन्त्री बसन्त कुशवाहाले रंगशालाको डिपिआर तयार भएको र शुरुआती चरणको काम गर्न लागि २ अर्ब ७५ करोड रकम आवश्यक भएको बताउनुभयो । उहाँले भारत सरकारले १ अर्ब ६० करोड तथा बाँकी संघ, प्रदेश तथा स्थानीय तहको श्रोत जुटाउने र श्रोतको सुनिश्चितता भए टेन्डरको प्रक्रियामा जाने बताउनुभयो ।

साभार: रेडियो नेपाल