वर्षाले आँप तथा लिचीलाई ठूलो फाइदा

2 महीना पहिले प्रकाशित

Esandhyakalin

जनकपुरधाम , चैत्र ७ गते । गए राति देखिको वर्षाका कारणले आँप तथा लिचीलाई ठूलो फाइदा पुगेको छ । यसका साथै तरकारी बाली लगाएका किसानहरूलाई पनि ठूलो राहत मिलेको हो ।

खास गरेर आँप फुलेर दाना लाग्ने बेला भएको बेला वर्षाले आँपलाई ठूलो फाइदा पुगेको धनुषाको दिगम्बरपुरमा व्यवसायी आँप खेती गर्दै आउनुभएका रामसेवक महातो बताउनुभयो । गएरातिको हावाहुरीका कारणले आँपको फुलहरू अलि अलि झरे पनि त्यसपछिको वर्षाले ठूलो फाइदा पुगेको उहाँले जानकारी दिनुभयो ।

मधेश प्रदेशका जिल्लाहरूमा अत्यधिक मात्रामा आँपको उत्पादन हुने गरेको छ । मधेश प्रदेशको सप्तरी, सिरहा, धनुषा, महोत्तरी, सर्लाही, रौतहट, बारा तथा पर्सा जिल्लाहरूमा आँपको खेती अत्यधिक मात्रामा हुने गरेको छ ।

यस पटक आँपको फूल पनि अधिक मात्रामा लागेकाले आँपको उत्पादन दुई गुणाले बढ्ने अनुमान गरिइएको वेलामा गएराति देखिको वर्षाले आँपलाई निक्कै ठूलो फाइदा पुगेको छ ।

मधेश प्रदेशको सिरहा, सप्तरी तथा धनुषा जिल्लामा माल्दह, मुम्बई, जर्दा, आम्रपाली, आम्रमल्लीका सहितका जाँतको आँप अत्यधिक मात्रामा उत्पादन भएर नेपालका ठूला शहरहरुमा निर्यात हुने गरेको छ ।

यसका साथै वर्षाका कारणले अन्य फलफूल तथा तरकारी बालीलाई पनि फाइदा पुगेको छ । लामो समयसम्म वर्षा नभएका कारणले खेतहरू सुख्खा हुनुका साथै लगाएका तरकारी वाली सुक्न थालेका थिए ।

साभार : रेडियो नेपाल