
प्रदेश प्रमुख मिश्रद्वारा निःशुल्क शल्यक्रिया अस्पतालको शिलान्यास
2 महीना पहिले प्रकाशित
Esandhyakalin

जनकपुरधाम । मधेश प्रदेशका प्रमुख हरिशंकर मिश्रले जनकपुरधाममा खुडोपना सहितको अनुहारको अन्य समस्याको निःशुल्क उपचार गर्ने स्वास्थ्य संस्थाबाट सबै वर्गका व्यक्ति लाभान्वित हुने विश्वास व्यक्त गर्नुभएको छ ।प्रदेश प्रमुख मिश्रले जनकपुरधामको वडा नंं ८ मा नेशनल इन्स्टिच्युट अफ क्रेनोफेसियल सर्जरीसम्बन्धी अस्पतालको शिलान्यास गर्नुहुँदै जर्मनीका क्लेफ्ट चिल्ड्रेन ईन्टरनेशनल संस्थाको सहयोगमा सञ्चालन हुने उक्त अस्पतालमा सबै वर्गका बालबालिकाहरूको बिग्रेको अनुहारको शल्यक्रिया निःशुल्क उपचार हुनु हर्षको विषय भएको बताउनुभयो ।
मधेश प्रदेशका विना विभागीय मन्त्री सुरिता कुमारी साहले यस्ता प्रकारको परोपकारी संस्थाले जनकपुरधाममा शाखा स्थापना गरेर सेवा प्रदान गर्न लागेकोमा खुशी व्यक्त गर्दै यस कार्यमा प्रदेश सरकारले सहयोग गर्ने बताउनुभयो ।मधेश स्वास्थ्य विज्ञान प्रतिष्ठानका निमित्त उपकुलपति प्राध्यापक डा. अङ्कुर साहले जनकपुरधाममा खुडोपना तथा अनुहारका अन्य समस्याहरूको शल्यक्रिया तथा उपचार निःशुल्क रुपमा हुनु सुखद भएको बताउनुभयो ।
सभापतिको आसनबाट अस्पतालका संस्थापक अध्यक्ष डा. सुमित सिंहले संस्थाले पहिलो पटक काठमाडौँको वसुन्धरामा रहेको अस्पतालमा ३ सय २४ जनाको निःशुल्क परीक्षण गरेर ५२ जनाको निःशुल्क शल्यक्रिया गरेको बताउँदै जनकपुरधाममा संस्थाको अस्पताल खुलेपछि यस ठाउँका आम जनताले ठूलो लाभ पाउने आशा व्यक्त गर्नुभयो ।उहाँले विश्व विख्यात जर्मन नागरिक क्रेनियोफेसियल प्राध्यापक डा.हर्मन सेलरद्वारा स्थापित क्लेफ्ट चिल्ड्रेन ईन्टरनेशनलले संस्थालाई सहयोग गर्दै आएको बताउँदै यसमा अनुहार नमिलेको भागहरूको हड्डी काटेर अनुहार मिलाएर चिटिक्क बनाउने विषयको शल्यक्रिया पनि हुने बताउनुभयो ।साभार : रेडियो नेपाल

शिक्षकसँगको सहमति कार्यान्वयन सांसदको हातमा : शिक्षामन..
काठमाडौं,असोज ६ गते । शिक्षा, विज्ञान तथा प्रविधि मन्त्री अशोककुमार राईले नेपाल शिक्षक महासङ्घसँग भएको सहमति क..
12 घन्टा पहिले
मधेश प्रदेशका सबै प्रादेशिक अस्पतालमा आँखाको उपचार शुर..
जनकपुरधाम,असोज ६ गते । मधेश प्रदेशका स्वास्थ्य तथा जनसङ्ख्या मन्त्री वीरेन्द्रप्रसाद सिंहले मधेश प्रदेशको ७ ..
13 घन्टा पहिले
महोत्तरीको दनौलीमा दुई समूहबीच कुटाकुट एक जना गंभीर घाइ..
प्रिया कर्ण जनकपुरधाम,असोज ६ गते । महोत्तरी जिल्लाको पिपरा गाउँपालिका-७ मा छिमेकीको कुटपिटबाट एक जना महिला गं..
13 घन्टा पहिले
द्वन्द्व प्रभावितको परिपुरणका लागि ध्यानाकर्षण पत्र
जनकपुरधाम, असोज ५ गते ।द्वन्द्व प्रभावितहरुको मानव अधिकारको सम्मान, संरक्षण र पुरिपुरणका लागि विभिन्न माग राखि ओ..
1 दिन पहिले
सर्लाही सदरमुकाम मलंगवामा अनिश्चितकालीन कर्फ्यु
सर्लाही,असोज ५ गते । सर्लाही जिल्ला सदरमुकाम मलंगलामा अनिश्चितकालीन निषेधाज्ञा आजपनि जारी रहेको छ।दुई समुदाय..
2 दिन पहिले