जनकपुरधाम उद्योग वाणिज्य संघद्वारा फ्रेट ट्रेन सञ्चालनकाे मांग

2 वर्ष पहिले प्रकाशित

Esandhyakalin

दिपेश मल्लिक

जनकपुरधाम, २८ गते । जनकपुरधाम उद्योग वाणिज्य संघले भारतका विभिन्न प्रदेशहरूवाट जनकपुरधाममा माल गाडी रेल सेवा संचालनका लागि मांग गरेका छन्।

संघले फ्रेट ट्रेन सञ्चालनका लागि नेपाल रेल्वे कार्यालय जनकपुरधामका प्रबन्धक तथा सञ्चालक निरन्जन कुमार झालाई ज्ञापन पत्र बुझाएका छन् ।

जनकपुरधाम उद्योग वणिज्य संघका अध्यक्ष जितेन्द्र कुमार महासेठ र महासचिव मनोज कुमार साह द्वारा जारी भएका संयुक्त ज्ञापनपत्र प्रबन्धक झालाई सञ्चारकर्मीकाे निगरानीमा जिम्मा लगाईएकाे हाे ।

संघले भौतिक पूर्वाधार तथा यातायात मन्त्रालय सिंहदरदवार काठमाण्डौं , मुख्य मन्त्री तथा मन्त्री परिषदको कार्यालय जनकपुरधाम मधेश प्रदेश तथा नेपाल उद्योग वाणिज्य महासंघ काठमाण्डौं समेतलाई बोधार्थ गरेकाे ज्ञापन पत्रमा उल्लेख रहेकाछन् ।

अध्यक्ष महासेठले माल गाडी संगै यात्रुवाहक वोगीको व्यवस्था मिलाउन ध्यानाकर्षण गराए।

उनले विभिन्न प्रदेशहरुवाट जनकपुरधाममा यात्रु आवागमन तथा माल-समान भित्रिए पर्यटन-प्रवर्द्धनमा तथा उद्योग ब्यापारमा ठूलो फड्को मार्ने बताए ।

उनले भारतको जयनगर देखी महोत्तरीको बिजलपुरा सम्म सञ्चालनमा रहेका रेल सेवालाई अझै प्रभावकारी बनाउन सरकारसंग आग्रह गरे ।