काठमाडौं ,फागुन १२ गते । पशुपति क्षेत्र विकास कोषले महाशिवरात्रि २०८१ को तयारी पूरा भएको जनाएको छ ।कोषले आज पत्रकार सम्मेलनमा गरी बुधबार पर्न गएका महाशिवरात्रिको तयारी पूरा भएको जानकारी दिएको हो ।

संस्कृति पर्यटन तथा नागरिक उड्डयनमन्त्री बद्री प्रसाद पाण्डेको अध्यक्षतामा ‘महाशिवरात्रि पर्व व्यवस्था मूल समारोह समिति २०८१’ गठन गरिएको छ । मूल समिति अन्तर्गत १० वटा विभिन्न विषयगत उपसमितिहरूको गठन गरिएको कोषले जनाएको छ ।

लाखाैं संख्यामा आउने दर्शनार्थी, साधुसन्त एवं भक्जनहरुलाई मध्यनजर गर्दै  सुरक्षा तथा स्वास्थ्यका मापदण्डहरुलाई पालना गर्दै दर्शनकाे व्यवस्थालाई थप प्रभावकारी बनाउन काेषले उपसमितिहरुकाे गठन गरिएकाे  जनाएकाे  छ ।

यस वर्ष महाशिवरात्रिमा साधुसन्तलगायत भारतीय दर्शनार्थी बढी आउने कोषले बताएको छ । भारतको प्रयागमा भइरहेको कुम्भमेलाको कारण यस वर्ष गत वर्षभन्दा बढी साधुसन्त पशुपतिनाथ आउने कोषका परिषद् सदस्य एंव संयोजक खत्रीले बताए । साथै, यस वर्ष काँच र  प्लाष्टिककाे प्रयाेगलाई पूर्ण निषेध गरिएकाे छ ।

यस वर्ष १ करोड ५० लाख खर्च हुने अनुमान गरिएको छ भने शिवरात्रिलाई लक्षित गरेर मलेसिया, श्रीलंका, भारतलगायतबाट दर्शनार्थी आउने कोषको अपेक्षा गरिएको छ ।

कोषका सुरक्षा व्यवस्था उपसमिति एवं सदस्य सचिव डा. मिलन कुमार थापाका अनुसार महाशिवरात्रिका दिन पशुपतिमा २ सेकेन्डमा १० जनाले दर्शन गर्न सकिने गरी व्यवस्था मिलाइएको बताए । उनका अनुसार मन्दिर बिहान साढे २ बाट खुल्नेछ भने दर्शनार्थीको लागि ३६ घण्टा मन्दिर खुला गरिनेछ ।

त्यस्तै यस वर्ष ५ लाख बढी दर्शनार्थीले मन्दिर दर्शन गर्ने कोषको अनुमान छ । दर्शन गर्नका लागि बाहिर ४ वटा लाइनको व्यवस्था गरिएको छ भने भित्रको लागि पासको व्यवस्था नभएको कोषले जनाइएको छ । यस वर्ष मन्दिर परिसरमा भने फूलको सजावट नहुने भएको छ।

साभार : नेपाल प्रेस

कमेन्ट गर्नुहोस्

12 comments

Leave Us A Comment

Search