Janakpurdham
Sat, Feb 15, 2025
`

अल्लु अर्जुनको बहुप्रतिक्षित फिल्म ‘पुष्पा २ : द रूल’ को टिजर रिलिज

10 महीना पहिले प्रकाशित

Esandhyakalin

`

काठमाडौं ,चैत २६ गते ।  तेलुगु उद्योगका सुपरस्टार अल्लु अर्जुनले आफ्नो जन्मदिनमा आफ्ना फ्यानहरूलाई विशेष उपहार दिएका छन् । अर्जुन आफ्नो प्रतिष्ठित पात्र पुष्पराजको भूमिकामा फर्किएका छन् र उनको फिल्म ‘पुष्पा २: द रुल’ को टिजर आएको छ ।

‘पुष्पा १: द राइज’ मा आफ्नो अत्यन्तै मास अवतारबाट फ्यानहरूलाई मनोरञ्जन दिएपछि अल्लु अर्जुन अब सिक्वेलमा पुन: रक गर्न तयार छन्। आफ्नो ४२ औँ जन्मदिन मनाइरहेका अर्जुनले लामो समयदेखि प्रतिक्षामा रहेका फ्यानहरुलाई यस्तो उपहार दिएका छन् ।

पुष्पा १ मा अल्लु अर्जुनले रातो चन्दन तस्करीको सञ्जालमा पुराना खेलाडीलाई हराएर निकै छिटो माथि उठ्ने गुण्डा पुष्पराजको भूमिका निर्वाह गरेका थिए । अब अर्जुनको यो पात्र ‘पुष्पा २’ मा राज गर्न तयार छ ।

‘पुष्पा २’ को टिजरमा अल्लु अर्जुनको अवतारले फ्यानको मन छुन्छ । यसपटक अल्लुले टिजरमा माँ कालीको गेटअप बनाएका छन् । ६८ सेकेन्डको टिजरमा उनको क्यारेक्टर पहिलेको भन्दा पनि डरलाग्दो देखिन्छ ।

यसपटक पुष्पराज पृथ्वीबाट शत्रुहरूलाई सखाप पार्ने वाचा लिएर फर्केका छन् जस्तो लाग्छ। टिजरमा अल्लुले साडी लगाएका छन्, खुट्टामा घुंघरु लगाएकी छन् र हातमा त्रिशूल लिएर शत्रुलाई प्रहार गर्न तयार छन् । यो सम्पूर्ण दृश्य कुनै धार्मिक घटनाको जस्तो देखिन्छ।

निर्देशक सुकुमारको यो फिल्मको पहिलो भागले दर्शकलाई हलमा निकै मनोरञ्जन दिएको थियो । अब दोस्रो भागको टिजर हेरेपछि ‘पुष्पा २’ को कथा झनै दमदार हुने अनुमान गर्न सकिन्छ । ‘पुष्पा २’ आगामी अगस्ट १५ मा हलमा रिलिज हुँदैछ र यसको पहिलो टिजरले दर्शकमाझ फिल्मको लागि बलियो माहौल बनाउन लागेको छ ।

साभार : डिसी नेपाल

`
12 comments
जनतामा सेवा प्रवाह गर्न गठबन्धन सरकार आवश्यक : उपप्रधानम..

काठमाडौं, फागुन १ गते । उपप्रधानमन्त्री एवं सहरी विकासमन्त्री प्रकाशमान सिंहले जनतामा सेवा प्रवाह गर्न गठबन्ध..

1 दिन पहिले

मधेश प्रदेशमा नसर्ने रोगको परीक्षण गर्ने अभियान शुरु

जनकपुरधाम, फागुन १ गते । मधेश प्रदेशका स्वास्थ्य तथा जनसंख्यामन्त्री शत्रुधनप्रसाद सिंहले नसर्ने रोग पहिचान स..

1 दिन पहिले

मधेश प्रदेशका सभामुख विश्वविद्यालयका विद्यार्थीहरूला..

जनकपुरधाम, माघ ३० गते ।मधेश प्रदेशका सभामुख रामचन्द्र मण्डल राजर्षि जनक विश्वविद्यालयका कानून शास्त्र संकायका ..

2 दिन पहिले

मधेश प्रदेशका किसानलाई सूचीकरणमा सहभागी हुन आग्रह, अनुद..

जनकपुरधाम, माघ ३० गते ।  मधेश प्रदेशका भूमि व्यवस्था, कृषि तथा सहकारी मन्त्री जनार्दन सिंह क्षेत्रीले किसानहर..

2 दिन पहिले

धनुषाधाममा लाग्ने प्रसिद्ध मक्कर मेला सम्पन्न

जनकपुरधाम, माघ २९ गते ।  धनुषा जिल्लास्थित प्रसिद्ध धार्मिक स्थल धनुषाधाममा माघ महिनाभरि आयोजना हुने मक्कर म..

3 दिन पहिले