डाले घाँसको बीउ पाएपछि मटिहानीका किसान दङ्ग
12 दिन पहिले प्रकाशित
Esandhyakalin
महोत्तरी, वैशाख २५ गते । आफ्नै घरआँगनमा डाले घाँसको बीउ पाएपछि मटिहानीका पशुपालक किसान दङ्ग छन् । पशुबस्तुका लागि पोसिलो मानिने मेनदोला, भटमासे र बकाइनोको बीउ पाएपछि यहाँका किसान दङ्ग भएका हुन् ।
किसानलाई मटिहानी नगरपालिका र हेफर प्रजेक्टको ‘कृषि तथा पशु विकासमा आधारित साना किसान तथा युवा उद्यमशीलता विकास परियोजना’ले सोमबार डाले घाँसको बीउ वितरण गरेको हो ।
विभिन्न समूहमा आबद्ध महिला किसानलाई जनही मेनदोला–५५०, बकाइनो–१५० र भटमासे–१२० ग्राम दिइएको परियोजना संयोजक महेश यादवले बताउनुभयो । डाले घाँसको बीउ मटिहानी नगरक्षेत्रका २०० बढी महिला किसानले पाएका छन् ।
महिला किसानलाई आय आर्जनमा उत्प्रेरित गर्न यो परियोजनाले सघाउ पुर्याएको मटिहानी नगरपालिकाका प्रमुख हरिप्रसाद मण्डल बताउनुहुन्छ । पशुपालनमा लागेपछि उनीहरू आर्थिक रूपमा आत्मनिर्भर भएका छन् । ।मटिहानी नगरपालिकाले बर्सेनि कृषिलक्षित कार्यक्रम सञ्चालन गर्दै आएको छ ।
विगत पाँच वर्षदेखि बर्सेनि मौसमअनुसारका फलफूल, तरकारी र अन्नका बीउबिरुवासँगै प्रविधिक सहयोग पनि प्रदान हुँदै नगरप्रमुख मण्डलले बताए । पछिल्लो समयमा परियोजनाको सहयोगले हौसिएका नगरका महिला बाख्रा, कोरली पालनमा जुटेका छन् । “हामी अब आफै केही गर्न सक्ने भयौँजस्तो लागेको छ” मटिहानी–२ की पशुपालक किसान सुजिता यादव भन्छिन्, “परियोजनाले हामीलाई आत्मनिर्भर बनाउँदैछ ।’’
यसैगरी सोमबार नै परियोजनाले सातवटा महिला सहकारी संस्थालाई अभिलेख राख्न सहयोग पुग्ने उद्देश्यले ल्यापटप, प्रिन्टरसहितका सामग्री प्रदान गरेको छ । महिला सहकारीलाई उत्पादित फलफूल र तरकारी सुरक्षित राख्न र बजारसम्म पु¥याउन ‘क्यारेट’ पनि उपलब्ध भएको छ ।
साभार : नेपाल प्रेस
‘सत्तापक्ष संसदीय समिति बनाउन जिम्मेवारपूर्ण रुपमा प्र..
काठमाडौं, जेठ ६ । सहकारीको रकम हिनामिना प्रकरणमा संसदीय छानबिन समिति बनाउने कुरामा सत्तापक्ष जिम्मेवारपूर्ण रु..
3 घन्टा पहिले
प्रधानमन्त्री प्रचण्डले लिन लागेको विश्वासको मत रोक्न ..
काठमाडौं ,जेठ ६ गते । प्रधानमन्त्री पुष्पकमल दाहाल प्रचण्डले सोमबार लिन लागेको विश्वासको मत रोक्न जनता समाजवादी ..
3 घन्टा पहिले
मधेश प्रदेश सरकारको विकास खर्च हालसम्म १८.२ प्रतिशत
जनकपुरधाम,जेठ ६ गते । आर्थिक वर्ष सम्पन्न हुन २ महिना मात्र बाँकी हुँदा मधेश प्रदेश सरकारको समग्र खर्चको अवस्थ..
3 घन्टा पहिले
मधेशी अपाङ्गता भएका व्यक्तिहरूका लागि तीन दिने प्रदेश स..
जनकपुरधाम, जेठ ५ गते । मधेश प्रदेश जनकपुरधाममा अपाङ्गता भएका व्यक्तिहरुको अधिकार सम्बन्धि महासन्धी र दिगो विकास..
1 दिन पहिले
६ जिल्लाका सीमानाका बन्द, सीमानामा संयुक्त गस्ती
जनकपुरधाम,जेठ ५ गते । भारतको विहार राज्यसँग सीमा जोडिएका मधेश प्रदेशका ६ जिल्लाका सिमानाका आज बिहानदेखि ७२ घण्टा..
1 दिन पहिले