मधेशी अपाङ्गता भएका व्यक्तिहरूका लागि तीन दिने प्रदेश स्तरिय प्रशिक्षक-प्रशिक्षण तालिम शुरू

1 वर्ष पहिले प्रकाशित

Esandhyakalin

जनकपुरधाम, जेठ ५ गते । मधेश प्रदेश जनकपुरधाममा अपाङ्गता भएका व्यक्तिहरुको अधिकार सम्बन्धि महासन्धी र दिगो विकासका लागि तीन दिने प्रदेश स्तरिय प्रशिक्षक–प्रशिक्षण तालिमको आयोजना भएको छ । अपाङ्ग समाज जनकपुरको आयोजनामा प्रदेश स्तरिय प्रक्षिक–प्रशिक्षण तालिम शनिवार देखि सञ्चालन गरिएको हो ।

मधेश प्रदेशका आठ जिल्लाका अपाङ्गता भएका व्यक्तिहरुको संघसंस्थाका नेतृत्वकर्ताहरु तालिमा सहभागि रहेका राष्ट्रिय अपाङ्ग महासंघ नेपालका अध्यक्ष किरण कुमार पासवानले बताए । उनले समानता र समावेशीताका लागि मधेशी अपाङता भएको व्यक्तिहरुको अधिकारका लागि सराेकारवाला निकायहरूलाई आवाज उठाउन आग्रह गरे ।

अपाङ्ग समाज जनकपुरकाे अध्यक्ष शत्रुधन लाल कर्णकाे अध्यक्षतामा सम्पन्न कार्यक्रममा दिगाे विकास लक्ष्य र मधेशी अपाङ्गता भएका महिलाहरूकाे सवालमा वत्ताहरूले जाेड दिए । कार्यक्रममा जनकपुरधाम उपमहानगरपालिकाका प्रमुख मनाेज कुमार साह, नीति तथा याेजना आयाेग मधेश प्रदेशका सदस्य एवं माननीय रामचन्द्र पण्डित , राष्ट्रिय मानवअधिकार आयाेग मधेश प्रदेशकी रेखा दत्त, डीआरएफ नेपालका कार्यक्रम अधिकृत कृष्ण गहतराज लगायतका ब्यक्तिहरूले आ-आफ्ना मन्तब्य प्रकट गरेकाे थिए ।