Janakpurdham
Thu, Jun 20, 2024
`

भारतको इनर्जी एक्सचेन्जबाट विद्युत् किन्न सुरु

3 वर्ष पहिले प्रकाशित

Esandhyakalin

`

काठमाडौँ — नेपाल विद्युत् प्राधिकरणले भारतको इनर्जी एक्सचेन्ज मार्केट (आईईएक्स) बाट विद्युत् किन्न सुरु गरेको छ । विद्युत् खरिदकर्ता र बिक्रीकर्ताबीचको प्रस्तावबाट मूल्य तय हुने यो बजारबाट विद्युत् खरिदका लागि खरिदकर्ताले अघिल्लो दिन नै मूल्य र खरिद गर्ने विद्युत्को परिमाण प्रस्ताव गर्नुपर्छ ।

प्राधिकरणले शुक्रबार राति १२ देखि १ बजेसम्म २ सय ५० मेगावाट किन्ने, राति १ देखि शनिबार दिउँसो ६ बजेसम्म २ सय मेगावाट विद्युत् किन्ने र साँझ ६ देखि १२ बजेसम्म २ सय ५० मेगावाट विद्युत् खरिद गर्ने गरी प्रस्ताव हालेको थियो । इनर्जी एक्सचेन्ज बजारमा हरेक १५–१५ मिनेटका लागि विद्युत् खरिद गर्न पाउने व्यवस्था छ ।

प्राधिकरणले पहिलो दिन खरिद गर्न प्रस्ताव गरेको सबै विद्युत् प्राप्त गर्ने भएको प्राधिकरणका ऊर्जा व्यापार विभागका निर्देशक प्रबल अधिकारीले जानकारी दिए । प्राधिकरणले विद्युत्बापत प्रतियुनिट औसत मूल्य (मार्केट क्लियरिङ प्राइस) ३.२९ भारु परेको उनले बताए । यो मूल्यमा ट्रान्समिसन शुल्क, आवेदन शुल्क, जीएसडी चार्ज र व्यापार कम्पनीको व्यावसायिक शुल्क गरी ०.५२ भारु थप गर्दा प्रतियुनिट लागत मूल्य ३.८१ पर्ने अधिकारीको भनाइ छ । विद्युत् खरिद सम्झौताअनुसार ढल्केबर–मुजफ्फरपुर प्रसारण लाइनबाट विद्युत् आयात गर्दा प्राधिकरणले प्रतियुनिट भारु ४.१८ तिर्दै आएको थियो । एक्सचेन्ज बजारको मूल्य तुलना गर्दा यो विद्युत् प्राधिकरणलाई प्रतियुनिटमा भारु ०.३७ सस्तो परेको छ । प्राधिकरणलाई ५१ लाख ५० हजार युनिटबापत भारु १९ लाख ५ हजार ५ सय (३० लाख ४८ हजार ८ सय रुपैयाँ) बचत भएको अधिकारीले जानकारी दिए । मे र जुनभर यसैगरी हरेक दिन आवश्यक परिमाण विद्युत् खरिद गर्ने योजना रहेको उनको भनाइ छ ।

इनर्जी एक्सचेन्जबाट खरिद गरिएको विद्युत् ढल्केबर मुजफ्फरपुर अन्तरदेशीय प्रसारण लाइनमार्फत नेपाल भित्र्याइएको हो । यही प्रसारण लाइनबाट नेपालले भारतको एनटीपीसी विद्युत् व्यापार निगम (एनभीभीएन) सँग किनेको विद्युत् पनि भित्रिन्छ ।

यो अन्तरदेशीय प्रसारण लाइनमार्फत ३ सय ५० मेगावाटसम्म विद्युत् आदानप्रदान गर्न मिल्छ ।निगमसँग विद्युत् खरिदका लागि प्राधिकरणले गरेको सम्झौता जुन महिनामा सकिँदै छ ।

`
12 comments
मधेश प्रदेश नीति आयोगको उपाध्यक्षमा डा. साह नियुक्त

जनकपुरधाम, असार ६ गते । मधेश प्रदेश नीति तथा योजना आयोगको उपाध्यक्षमा डा. सोहन प्रसाद साह नियुक्त भएका छन् ।जनकपुर..

4 घन्टा पहिले

सर्लाहीको बागमतीमा यात्रुबाहक बस लरीमा ठोक्किँदा तीन ज..

सर्लाही, असार ६ गते । बागमती नगरपालिकास्थित रायमाझी चोकमा आज बिहान भएको सवारी दुर्घटनामा तीन जनाको मृत्यु भएको छ ..

4 घन्टा पहिले

सरकारसँगको सहकार्य हाम्रा कारणले टुट्दैन : अध्यक्ष नेपा..

महोत्तरी , असार ६ गते । नेकपा (एकीकृत समाजवादी) का अध्यक्ष एवं पूर्वप्रधानमन्त्री माधवकुमार नेपालले मुलुकको विक..

4 घन्टा पहिले

युरोपमा नेपाली एयरलाइन्समाथिको प्रतिवन्ध हटाउन जर्मनस..

काठमाडौं ,जेठ ५ गते । राष्ट्रपति रामचन्द्र पौडेलले युरोपेली आकाशमा नेपाली एयरलाइन्समाथिको प्रतिवन्ध हटाउन जर्म..

1 दिन पहिले

बजेट विनियोजनमा हस्तक्षेप गरी पुनर्लेखन गर्न कांग्रेसक..

काठमाडौं, असार ५ : नेपाली कांग्रेसले शक्ति र सत्ताको दुरुपयोग गरी मन्त्रीहरूले आफ्नै क्षेत्रमा अधिकांश बजेट लग..

1 दिन पहिले