मधेश प्रदेश प्रमुख समक्ष महालेखा परीक्षकको आठौँ वार्षिक प्रतिवेदन पेश

2 महीना पहिले प्रकाशित

Esandhyakalin

जनकपुरधाम, जेठ ६ गते । मधेश प्रदेशका प्रदेश प्रमुख डा. सुरेन्द्र लाभ कर्णलाई महालेखा परीक्षकको आठौँ वार्षिक प्रतिवेदन आज बुझाइएको छ ।

महालेखा परीक्षकको कार्यालयका नायव महालेखा परीक्षक तारा प्रसाद पाण्डेले प्रदेश प्रमुख डा. कर्णलाई प्रदेश प्रमुखको सचिवालयमा प्रतिवेदन बुझाउनुभएको हो ।

नेपालको संविधानको धारा २९४ को उपधारा ३ बमोजिम आर्थिक वर्ष २०८१–०८२ मा सम्पादन गरेका कामकारबाहीहरू समेटेर तयार पारिएको वार्षिक प्रतिवेदन पेश गरिएको प्रदेश प्रमुखको कार्यालयका प्रवक्ता सञ्जीव कुमार दुवेले जानकारी दिनुभयो ।

प्रतिवेदन ग्रहणपछि मधेश प्रदेशका प्रदेश प्रमुख डा. कर्णले वर्षेनी रुपमा बढी रहेको बेरुजु देखाएर नहुने बताउँदै बेरुजू हुन नदिनका लागि तथ्यगत सुझाव सहित उपायहरूको विषयमा महालेखा परीक्षकले ठोस राय सुझावहरू दिनुपर्ने धारणा राख्नुभयो ।

प्रदेश प्रमुख समक्ष आठौँ वार्षिक प्रतिवेदन पेश गरिसकेपछि पत्रकारहरूसँग कुरा गर्दै महालेखा परीक्षक कार्यालयका नायव महालेखा परीक्षक तारा प्रसाद पाण्डेले विगत भन्दा बेरुजु रकम बढेकोमा चिन्ता व्यक्त गर्दै बेरुजु घटाउनका लागि रित पुर्‍याएर काम गर्न आग्रह गर्नुभयो ।

उहाँले लेखा स्रेस्ताहरू जलेका कारण मधेश प्रदेशका ३ मन्त्रालय, २ निकाय, ४ कार्यालय तथा १६ स्थानीय तहको लेखा परीक्षण हुन नसकेकोमा दुःख व्यक्त गर्नुभयो ।

साभार ः रेडियो नेपाल