‘पूर्वाधार निर्माण दीर्घकालीन सोचको आधारमा गरिनुपर्छ’
2 वर्ष पहिले प्रकाशित
Esandhyakalin
जनकपुरधाम ,फागुन ८ गते । पूर्व प्रधानमन्त्री एवं नेकपा एकीकृत समाजवादी पार्टीका अध्यक्ष माधव कुमार नेपालले सडक सहितका अन्य पूर्वाधारको निर्माण गर्दा दीर्घकालीन सोचको आधारमा गरिनुपर्ने धारणा राख्नुभएको छ ।
पूर्व प्रधानमन्त्री नेपालले समाजवादी इन्जिनियरिङ एशोसिएशन मधेश प्रदेश समितिले आज जनकपुरधाममा आयोजना गरेको “मधेश प्रदेश अन्तर्गतका सडक सञ्जाल तथा सुरक्षा” सम्बन्धि अन्तरक्रिया कार्यक्रममा उहाँले नेपालको भविष्य निर्माणका लागि मुलुकको विकास निर्माण सहितका विषयमा शीर्ष नेताहरुबीच स्पष्ट दृष्टिकोण सहितको ब्लुप्रीन्ट आउनुपर्ने पक्षमा आफू रहेको बताउनुभयो ।
नेपालले सडक सुरक्षाका विषयमा सानो कक्षादेखि नै विद्यार्थीहरूलाई शिक्षा दिन जरुरी रहेको बताउनुभयो ।
पूर्व मन्त्री एवं प्रतिनिधि सभाका सदस्य किसान श्रेष्ठले राजनीतिक नेतृत्वमा दृढ इच्छा शक्ति भएको खण्डमा जस्तोसुकै काम गर्न सकिन्छ भन्दै हुलाकी राजमार्गको निर्माणमा ढिलाइ हुनु चिन्ताको विषय भएको बताउनुभयो ।
प्राध्यापक डा. भोगेन्द्र झाले सडक पूर्वाधारको निर्माण गर्दा त्यसले आर्थिक तथा सामाजिक रुपमा पार्ने प्रभावको विषयमा वृहद छलफल गर्न जरुरी रहेको बताउनुभयो ।
नेपाल इन्जिनियरिङ परिषद्का अध्यक्ष पदम बहादुर शाहीले वर्षेनी रुपमा पच्चिस देखि ३ हजार मान्छेको सडक दुर्घटनामा परेर मृत्यु हुने गरेको जानकारी दिँदै सडक निर्माण गर्दा सडक सुरक्षामा विशेष ध्यान दिन आवश्यक भएको बताउनुभयो ।
कार्यक्रममा यातायात मन्त्रालयको एशियाली विकास बैङ्कको आयोजना हेर्ने शाखाका निर्देशक चुडा श्रेष्ठले समयमा सडक तथा पुलको काम नगर्ने धेरै निर्माण कम्पनी र व्यवसायीहरू कालो सूचिमा परेको बताउँदै मधेश प्रदेशको हुलाकी सडकको काम चाडै सकिने दाबी गर्नुभयो ।
साभार : रेडियो नेपाल
त्रियुगा नगरपालिकाद्वारा अमृत झाको सुरक्षित रिहाइका ला..
उदयपुर , चैत्र ८ गते । उदयपुर जिल्लाको सदरमुकाम समेत रहेको त्रियुगा नगरपालिकाले इरानमा हिरासतमा रहेको भनिएका स्थ..
1 दिन पहिले
तराई मधेशमा चैते छठ शुरु
जनकपुरधाम, चैत्र ८ गते । मिथिलाञ्चलसहित तराई मधेशका जिल्लाहरूमा भगवान् सूर्यको नियम निष्ठा तथा श्रद्धाभक्तिपूर..
1 दिन पहिले
वर्षाले आँप तथा लिचीलाई ठूलो फाइदा
जनकपुरधाम , चैत्र ७ गते । गए राति देखिको वर्षाका कारणले आँप तथा लिचीलाई ठूलो फाइदा पुगेको छ । यसका साथै तरकारी बाली ..
2 दिन पहिले
वर्षाका कारण प्रधानमन्त्री कप अन्तर्गत दुई खेल रद्द
जनकपुरधाम, चैत्र ७ गते । मधेश प्रदेशको जनकपुरधाम तथा पर्सा जिल्लामा आजदेखि शुरु हुने एक दिवसीय प्रधानमन्त्री कप ..
2 दिन पहिले
प्रधानमन्त्री कार्कीद्वारा जानकी मन्दिरमा दर्शन तथा पू..
जनकपुरधाम , चैत्र ६ गते I प्रधानमन्त्री सुशीला कार्कीले जनकपुरधामस्थित प्रसिद्ध धार्मिकस्थल जानकी मन्दिरमा दर्..
3 दिन पहिले
