‘सपना परियोजना’बाट हजुरआमाहरु पनि पोषण सम्बन्धी जानकार बन्दैै

3 वर्ष पहिले प्रकाशित

Esandhyakalin

जनकपुरधाम, २० गते पुस । धनुषा जिल्लाको जनकनन्दिनी गाउँपालिका वडा नं.४ खजुरीकी सकिला खातुन अचेल व्यक्तिगत सरसफाईका साथ आफ्ना नातिनातिनीहरुलाई घरमै बनाएर पोषणयुक्त खाना खुवाउनु हुन्छ । पहिला सरसफाईमा खासै ध्यान नदिने सकिला सपना परियोजना अन्तरगत तालिम पाएर घासभुसा गरेपछि साबुन पानीले नियमित हात धुने नातिनातिनीहरुको लुगा सफाई गर्ने देखि घरमै बनाएको पोषणयुक्त खाना खुवाउनु हुन्छ । उहाँ भन्नु हुन्छ,‘बच्चालाई बाहिरको पाकेटको खाना खुवाउदिन, घरमै चामल भटमास, तरकारीहरुबाट बनाएको परिकार खुवाउछु । यसले उनिहरुको स्वास्थ्यमा प्रभावकारी असर देखिएको छ ।’उहाँ पहिला नसिकेकाले आफ्नो पालामा छोराछोरीलाई खासै सफाईमा ध्यान नदिएपनि यो परियोजनाको कारणले नातिनातिनीलाई सरसफाईका साथै पोषण युक्त खाना पकाउदा खुसी महसुश भईरहेको बताउनु भयो ।
सामाजिक विकास र अनुसन्धान केन्द्रले प्लान इन्टरनेशनलको साझेदारीमा संचालन गरेको बालबालिकाको लागी सपना परियोजना अन्तरगत सकिला खातुन जस्तै अन्य महिलाहरुमा समेत बालबालिकाको स्याहारसुसार लगायतका उनिहरुको सर्वाङिगन विकासमा ध्यान दिईरहेका छन् । गाँउमा यो परियोजना आए देखि बालबिबाहमा कमि आएको, जन्मदेखि २ वर्ष सम्मका बालबालिकाहरुको पोषण देखि समयमा खोप दिने,घरवरिपरि हुने दुर्घटनाहरुबाट नानीहरुलाई बचाउने लगायतका कामका जानकारी परियोजनामा सहभागी भएका महिलाहरु बताउछ्न । बालबालिका शारिरिक, मानसिक विकाससंग लक्षित कार्यक्रममा सहभागी भएपछि सकिलाले नातिनातिनीलाई राम्ररी हुर्काउन सहज बनेको छ ।
परियोजनाले गर्दा सकिलाको क्षमता अभिवृद्धि समेत भैरहेको छ । बालबालिकाको सपना परियोजनाले खजुरीका अन्य महिलाहरुको जिवनशैलिमा समेत परिवर्तन भएको देखिन्छ । बालबालिकाको सपना परीयोजनाका संयोजक बिवश श्रेष्ठका अनुसार बालबालिकाको सर्वाङ्गीन विकासका लागी आमा बुवाले के कस्तो कुरामा ध्यान दिन आवश्यक छ, भन्ने जानकारी महिलाहरुमा भईरहेको छ । यो परियोजना धनुषा जिल्लाको बिदेह नगरपालिका र जनकनन्दिनी गाउँपालिकामा संचालनमा छ ।