मधेश प्रदेश सरकारको विकास खर्च हालसम्म १८.२ प्रतिशत
2 वर्ष पहिले प्रकाशित
Esandhyakalin
जनकपुरधाम,जेठ ६ गते । आर्थिक वर्ष सम्पन्न हुन २ महिना मात्र बाँकी हुँदा मधेश प्रदेश सरकारको समग्र खर्चको अवस्था चिन्ताजनक रहेको छ ।
वैशाख मसान्तसम्ममा मधेश प्रदेश सरकारले विनियोजन गरेको बजेटको १८.२ प्रतिशत रकम मात्र खर्च गरेको छ । प्रदेश सरकारले चालु आर्थिक वर्षका लागि विनियोजन गरेको ४४ अर्ब ११ करोड ४६ लाख ३२ हजार रकममध्ये वैशाख भित्रमा चालु तथा विकास खर्च गरेर ८ अर्ब ४ करोड ७८ लाख ११ हजार ६ सय ४५ रुपैयाँ २२ पैसा मात्र खर्च भएको प्रदेश कोष तथा लेखा नियन्त्रण कार्यालयले उपलब्ध गराएको विवरणमा उल्लेख छ ।
प्रदेश सरकारले चालुतर्फ विनियोजन गरेको १८ अर्ब ५४ करोड ५८ हजार रकममध्ये ४ अर्ब ४५ करोड ६२ लाख १७ हजार ९ सय ४६ रुपैयाँ ९३ पैसा रहेको छ । जून कूल विनियोजित रकमको २४.०३ प्रतिशत रहेको छ । चालु खर्च देखिए पनि विकास खर्च निक्कै न्यून रहेको छ ।
यसै गरि पुँजीगततर्फ विनियोजन गरेको २५ अर्ब ५७ करोड ४५ लाख ७४ हजार रकममध्ये ३ अर्ब ५९ करोड १५ लाख ९३ हजार ३ सय ५८ रुपैयाँ २९ पैसा खर्च भएको छ । जून कूल विनियोजित रकमको १४.०४ प्रतिशत मात्र हो ।
प्रदेश सरकारले विनियोजन गरेको चालु तथा विकास खर्चमध्ये ३६ अर्ब ६ करोड ६८ लाख २ हजार २ सय ५४ रुपैयाँ ७८ पैसा बाँकी रहेको छ । चालु आर्थिक वर्ष सम्पन्न हुनका लागि जेठ महिनाको पच्चिस दिन र असारको २५ दिन गरेर करिब ५० दिनमा यतिको विकास खर्च कसरी गर्ने पन्ने प्रश्न खडा भएको छ ।
विगत वर्ष भन्दा पनि यस पटक विकास खर्चको अवस्था कमजोर हुनुमा पटक पटकको मन्त्रीहरूको फेरबदल, थोरै अवधिमा सचिवको सरुवा तथा कार्यक्षमताको अभाव नै मुख्य कारणको रुपमा रहेको अर्थविद्हरूको भनाइ छ ।
साभार : रेडियो नेपाल
कांग्रेसको एजेन्डा भनेको भ्रष्टाचारमुक्त समाज र सुशासन..
माेरङ, माघ २२ : नेपाली काङ्ग्रेसका नेता डा।शेखर कोइरालाले नेपाली काङ्ग्रेसको एजेण्डा भ्रष्टाचारमुक्त समाज र स..
4 घन्टा पहिले
देशको नेतृत्व अब उज्यालो नेपाल पार्टीले गर्छ : कुलमान घि..
जनकपुर, माघ २२ : पूर्वमन्त्री एवम् उज्यालो नेपाल पार्टीका अध्यक्ष कुलमान घिसिङले देशको नेतृत्व उज्यालो नेपाल प..
4 घन्टा पहिले
काठमाडौंबाट उड्नासाथ टर्किसको दायाँ इन्जिनमा आगलागी, क..
काठमाडौं, माघ २१ : त्रिभुवन अन्तर्राष्ट्रिय विमानस्थलबाट टर्कीको इस्तानबुलका लागि उडेको टर्किस एयरलाइन्सक..
16 घन्टा पहिले
आईसीसी टी–२० विश्वकपको तयारीस्वरुप आज नेपाल क्यानडासँग..
काठमाडौं, माघ २२ : आईसीसी टी–२० विश्वकपको तयारीलाई अन्तिम रूप दिने क्रममा नेपाल आज क्यानडासँग अन्तिम अभ्यास ख..
16 घन्टा पहिले
राष्ट्रपति जापानको औपचारिक भ्रमण सकेर स्वदेश फिर्ता
काठमाडौं, माघ २१ : राष्ट्रपति रामचन्द्र पौडेल जापानको औपचारिक भ्रमण सकेर स्वदेश फर्किएका छन्। बुधबार जापान टोक..
16 घन्टा पहिले