राजनीतिक स्थिरता र सुशासनका लागि प्रधानमन्त्रीलाई विश्वासको मत: अध्यक्ष नेपाल
9 महीना पहिले प्रकाशित
Esandhyakalin
जनकपुरधाम ,जेठ ८ गते । नेकपा एकीकृत समाजवादी पार्टीका अध्यक्ष एवं पूर्व प्रधानमन्त्री माधव कुमार नेपालले शान्ति, समृद्धि, सुशासन तथा स्थिरताका लागि वर्तमान प्रधानमन्त्रीलाई विश्वासको मत दिएको बताउनु भएको छ ।
नेकपा एकीकृत समाजवादी पार्टीका अध्यक्ष नेपालले समाजवादी प्रेस सङ्गठन नेपाल धनुषाको आयोजनामा आज जनकपुरधाममा सम्पन्न भएको पत्रकार सम्मेलनमा बोल्दै आफ्नो पार्टी मुलुकमा राजनीतिक स्थिरता मार्फत जनताको जनजीवनमा परिवर्तन ल्याउन चाहेको बताउनु भयो ।
उहाँले प्रतिनिधि सभामा भइरहेको विरोध तथा प्रदर्शनको समस्याको समाधान वार्ता तथा संवाद मार्फत हुनु पर्ने पक्षमा आफ्नो पार्टी दृढ भएको बताउनु भयो ।
उहाँले नयाँ आर्थिक वर्षका बजेट ल्याउने वेला भएकाले अहिलेको विरोध प्रदर्शनको सम्बोधनका लागि प्रमुख राजनीतिक दलका शीर्ष नेताहरू एक ठाउँमा बसेर वार्ता तथा संवाद मार्फत समस्याको समाधान गर्नु पर्ने आवश्यकतामा जोड दिनु भयो ।
अध्यक्ष नेपालले ४ वटा दलहरूको सहभागितामा बनेको समाजवादी मोर्चाका एक प्रमुख घटकमा आएको विभाजनले समाजवादी मोर्चामा पुनर्संरचनाको आवश्यकता भएको बताउनु भयो ।
एक प्रश्नको जवाफमा पूर्व प्रधानमन्त्री नेपालले पछिल्लो राजनीतिक परिवर्तनका कारणले मधेश प्रदेश सरकारमा परिवर्तन हुनु स्वभाविक भएको बताउँदै आफ्नो पार्टी सरकारमा सहभागी हुने विषय परिस्थितिले निर्माण गर्ने बताउनु भयो ।
उहाँले केन्द्रमा आफूहरू एमाले सहितको अहिलेको गठबन्धन सरकारमा भएपनि नेकपा एमालेसँग नेकपा एसको पार्टी एकीकरणको कुनै सम्भावना नभएको बरु नेकपा एस महाधिवेशनको तयारीमा जुटेको बताउनु भयो ।
समाजवादी प्रेस सङ्गठन नेपाल धनुषाका अध्यक्ष अकुल प्रसाद साहको अध्यक्षतामा भएको पत्रकार सम्मेलनमा पार्टीका सचिवालय सदस्य रामचन्द्र झा, मधेश प्रदेश सरकारका भूमि व्यवस्था, कृषि तथा सहकारीमन्त्री गोविन्द न्यौपाने, श्रम तथा यातायातमन्त्री बेची लुंगेली सहितका नेताहरू सहभागी हुनु भएको थियो ।
साभार : रेडियो नेपाल
जनतामा सेवा प्रवाह गर्न गठबन्धन सरकार आवश्यक : उपप्रधानम..
काठमाडौं, फागुन १ गते । उपप्रधानमन्त्री एवं सहरी विकासमन्त्री प्रकाशमान सिंहले जनतामा सेवा प्रवाह गर्न गठबन्ध..
1 दिन पहिले
मधेश प्रदेशमा नसर्ने रोगको परीक्षण गर्ने अभियान शुरु
जनकपुरधाम, फागुन १ गते । मधेश प्रदेशका स्वास्थ्य तथा जनसंख्यामन्त्री शत्रुधनप्रसाद सिंहले नसर्ने रोग पहिचान स..
1 दिन पहिले
मधेश प्रदेशका सभामुख विश्वविद्यालयका विद्यार्थीहरूला..
जनकपुरधाम, माघ ३० गते ।मधेश प्रदेशका सभामुख रामचन्द्र मण्डल राजर्षि जनक विश्वविद्यालयका कानून शास्त्र संकायका ..
2 दिन पहिले
मधेश प्रदेशका किसानलाई सूचीकरणमा सहभागी हुन आग्रह, अनुद..
जनकपुरधाम, माघ ३० गते । मधेश प्रदेशका भूमि व्यवस्था, कृषि तथा सहकारी मन्त्री जनार्दन सिंह क्षेत्रीले किसानहर..
2 दिन पहिले
धनुषाधाममा लाग्ने प्रसिद्ध मक्कर मेला सम्पन्न
जनकपुरधाम, माघ २९ गते । धनुषा जिल्लास्थित प्रसिद्ध धार्मिक स्थल धनुषाधाममा माघ महिनाभरि आयोजना हुने मक्कर म..
3 दिन पहिले
