दिपेश मल्लिक
जनकपुरधाम, कार्तिक २५ गते । मधेश प्रदेशका स्वास्थ्य तथा जनसंख्या मन्त्री विरेन्द्रकुमार सिंहले स्वास्थ्यकर्मीहरुले आफ्नो जिम्मेवारी वहन नगरेका कारण सरकारी अस्पतलवाट विरामीहरू बाहिर रेफर हुने गरेका बताएका छन् । शनिबार जनकपुरधाममा प्रदेश स्वास्थ्य निर्देनालयको आयोजना भएको तीन दिने गोष्ठीमा बोल्दै मन्त्री सिंहले प्रदेशलाई स्वास्थ्य र समृद्धि बनाउनका लागि स्वास्थ्यकर्मीहरु आफ्नो जिम्मेवारी वहन गरि नकारात्मक साेच त्याग्नु जरूरी रहेका धारणा व्यक्त गरेका छन् । स्वास्थ्य मधेश प्रदेशका लागि आर्थिक, जनशक्ति, भौतिक पूर्वाधारलगायतका चुनौती रहेपनि स्वास्थ्यकर्मीहरुको इमान्दारिता वहन नगरेकाले समस्या रहेको उनले बताए । आर्थिक वर्ष २०७९\०८० मा सम्पादित स्वास्थ्य कार्यक्रमहरुको प्रदेश स्तरीय वार्षिक समिक्षा गोष्ठीमा बोल्दै मन्त्री सिंहले मधेशमा स्वास्थयकर्मीहरुमा पनि राजनीति मौलाएकाले उनीहरु आफ्नो दायित्वबाट पञ्छिरहेको ध्यानकर्षण गराए । उनले भने स्वास्थ्य क्षेत्रलाई समृद्धी बनाउन सम्स्याहरूलाई तल देखि माथि सम्म नियाल्न आवश्यक्ता रहेका वताए । उनले भने हामीमा घरमै बसेर तलब खाने प्रवृत्ति रहेकाले पेसाप्रति इमान्दार भई विरामीहरूलाई सहि उपचार गरि हाैसला बढाउन भने । उनले अबदेखि मन्त्रलयले पनि राम्रो काम गर्नेलाई स्वास्थ्यकर्मीलाई प्रोत्साहन गर्ने घोषणा गरेको बताए । प्रदेशमा स्वास्थ्य विमा कार्यक्रमलाई थप प्रभावकारी बनाउदै प्रदेश स्वास्थ्य सुरक्षा कार्यक्रम सदृढ गरी व्यवस्थापन सहित सहकार्य गरिने बताए ।