धनुषा तथा महोत्तरीका चार पालिकामा डिप बोरिङ, २ सय हेक्टरमा सिँचाई
3 वर्ष पहिले प्रकाशित
Esandhyakalin
जनकपुरधाम,जेठ ३ गते । धनुषा तथा महोत्तरी जिल्लाको दक्षिणी भेगमा सिँचाइका लागि पानीको अभाव भएपछि खाद्य तथा पोषण सुरक्षा सुधार आयोजनाले चार पालिकामा ४ वटा डिप बोरिङ जडान गरेको छ ।
धनुषाको धनौजी, मुखियाट्टी मुसहरनीया र महोत्तरीको पिपरा तथा एकडरा वेला गाउँपालिकामा गरेर ४ वटा डिपवोरिङ्गको जडान गर्ने काम सम्पन्न भएको आयोजनाका कलष्टर इकाईका प्रमुख युगल किशोर तिवारीले जानकारी दिनु भएको छ ।
धनुषाको धनौजी गाउँपालिकामा जडान भएको डिप वोरिङ्गवाट आफै पानी आएपछि स्थानीय किसानलाई राहत हुनुको साथै खाने पानी तथा स्नानका लागि गरिब तथा विपन्न वर्गका व्यक्तिलाई ठूलो राहत मिलेको छ । बहु वर्षे योजना अन्तर्गत एक पालिकामा १ वटा डिप बोरिङका साथै त्यसको संरचनाको निर्माण गरिने भएको छ ।
कृषि योग्य भूमिमा क्षति नपुग्ने गरि पाइप जडान गरेर खेत खेतमा सिँचाई गर्ने योजना गरेको छ । एक वटा डिप वोरिङ्गवाट एक पालिकामा ४० देखि ५० हेक्टर क्षेत्रफलमा सिँचाई सेवा पुग्ने भएको छ । उपभोक्ता समिति मार्फत शुरुको वर्षमा प्रत्येक पालिकामा ६० लाखको दरमा ठेक्का गरेकोमा एक पालिकामा ३६ लाखमा कबोल भएर डिप वोरिङ्ग जडान गर्ने काम भएको छ ।
मधेश प्रदेशका जिल्लाहरूमा विगत दुई वर्ष यता पर्याप्त मात्रामा वर्षा नपरेका कारणले खाने पानी तथा सिँचाइको चरम अभाव भएपनि आयोजनाले चालु आर्थिक वर्षमा डिप वोरिङ्ग जडान गरेको छ । बाँकी संरचनाहरूको निर्माण अर्को आर्थिक वर्ष देखि हुने भएको छ ।
सिँचाइका लागि पाइपको जडान, विजुलीबत्ती जडान तथा पावर हाउसको निर्माण गर्न बाँकी नै रहेको आयोजनाका क्लष्टर इकाई धनुषाका कृषि विकास अधिकृत रितेश कुमार झाले जानकारी दिनु भएको छ । डिप बोरिङको सञ्चालन पूर्ण क्षमतामा भएपछि ती चार पालिकाको करिब २ सय हेक्टर कृषि योग्य भूमिमा सिँचाई सुविधा पुग्ने भएको छ ।
साभार : रेडियो नेपाल
दल त्याग गर्ने जसपाका १८ स्थानीय जनप्रतिनिधिको पद स्वतः ..
काठमाडौं, मंसिर ३ : निर्वाचन आयोगले जनता समाजवादी पार्टी (जसपा), नेपालका तर्फबाट स्थानीय तह निर्वाचन २०७९ मा निर्वà¤..
13 घन्टा पहिले
फागुन २१ को चुनावी धक्का अस्थायी हो : वरिष्ठ नेता भण्डारी
काठमाडौं, मंसिर ३ : नेकपा (एमाले) की वरिष्ठ नेता तथा पूर्वराष्ट्रपति विद्यादेवी भण्डारीले गत वर्ष फागुन २१ को निर..
13 घन्टा पहिले
अन्तर्राष्ट्रिय बजारमा सुन र चाँदीको मूल्य बढ्यो
काठमाडौं, मंसिर २ : अन्तर्राष्ट्रिय बजारमा सुन र चाँदी दुवैको मूल्य वृद्धि भएको छ । न्यूयोर्क मर्कन्टाइल एक्सचेनà¥..
2 दिन पहिले
मोरङमा देउवा पक्षीय कांग्रेसको जिल्ला अधिवेशन सुरू
विराटनगर, मंसिर २ : १५ औं महाधिवेशनको तयारीमा जुटेको देउवापक्षीय नेपाली कांग्रेस मोरङको जिल्ला अधिवेशन मंगलबारदà..
2 दिन पहिले
प्रधानमन्त्री मंसिर ६ गते भारत भ्रमणमा जाँदै, मोदीसँग ३०..
काठमाडौं, मंसिर १ : प्रधानमन्त्री बालेन्द्र ९बालेन०शाह आगामी मंसिर ६ र ७ गते दुईदिने भ्रमणका लागि भारत जाने भएका छ..
3 दिन पहिले