
किसानको हितमा गाउँघर सानाकिसान कृषि सहकारी संस्था, कृषकलाई कृषि समाग्री वितरण
3 वर्ष पहिले प्रकाशित
Esandhyakalin

दिपक बस्नेत
असार १८, तामाकोशी ।
गाउँघर सानाकिसान कृषि सहकारी संस्थाले कृषकलाई कृषि समाग्री वितरण गरेको छ ।
शुक्रवार आयोजित एक कार्यक्रमकाबीच सहकारी संस्थाले स्थानीय कृषकहरुलाई हातेट्याक्टर, बीउविजन, विषादी, स्प्रे मेसिनसहितका कृषि सामाग्री बितरण गरेको हो ।
दोलखा जिल्ला मेलुङगा गाउँपालिका वडा नम्बर ६ मा रहेको गाउँघर साना किषान कृषि सहकारी संस्थाले कृषकका लागि विभिन्न योजनाको काम गरिरहेको छ ।
संस्थाले आलु विस्तार कार्यक्रम अन्तर्गत १ सय भन्दा बढि कृषकलाई बीउ विजनका साथै सामुहिक रुपमा प्रयोग हुने गरी १८ ओटा हातेट्याक्टर बितरण गरेको जनाइएको छ । हातेट्याक्टरबाट ८० जना किसान लाभान्वित हुने संस्थाले जनाएको छ । यसैगरी बिषादी प्रयोग गर्ने १५ ओटा स्प्रे मिसिन र सिंचाईका लागि दुई हजार मिटर पाईप बितरण गरिएको सहकारीका व्यवस्थापक भुप प्रसाद चापाँगाईले बताउँनु भयो । एक कार्यक्रमका विच मेलुङग गाउँपालिका उपाध्यक्ष गायत्री आचार्य लगायत जनप्रतिनिधिले कृषकहरुलाई कृषि सामाग्री हस्तान्तरण गर्नु भएको थियो ।
सहकारी संस्थाका अध्यक्ष श्रीराज पोखरेलले कृषि व्यवसाय र उत्पादनमा सहयोग पुगोस् भन्ने उदेश्यले कृषकहरुलाई कृषि सामाग्री बितरण गरिएको जानकारी दिनु भयो । पोखरेलका अनुसार सस्थाको पहलमा सितली मेलुङ सडक मर्मत कार्य भैरहेका छ भने जोगिगाउ खानेपानी आयोजना समेत सम्पन भएको छ । सस्थाले युवा कृषकलाई प्रोत्साहन स्वरुप पुरै अनुदानमा कम्माइन्ड मिल, थ्रेसर लगायतका सामाग्रीपनि बितरण गर्ने जनाएको छ ।
केही महिना अगाडि संस्थाले आफ्नो बार्षिक उत्सव बागमती प्रदेशका मुख्यमन्त्री राजेन्द्रप्रसाद पाण्डेको प्रमुख आतिथ्यतामा धुमधामले सम्पन्न गरेको थियो । बार्षिक उत्सवको अबसरमा मुख्यमन्त्री पाण्डेले मेलुङमा विशेष बजेट बिनियोजन गर्ने आश्वासन दिनु भएको थियो । सोहीअनुसार गाउँपालिकामा प्रदेशबाट १२ भन्दा बढी योजनामा बजेट बिनियोजन भएको सहकारीले जनाएको छ । कार्यक्रममा मेलुङ गाउँपालिकामा नवनिर्वाचित जनप्रतिनिधिहमरुलाई सम्मान समेत गरिएको थियो । गाउँघर सानाकिसान सहकारी संस्था विगत लामो समयदेखि त्यस क्षेत्रका कृषकहरुको सेवामा सक्रिय रहँदै आएको छ ।

जनमत पार्टीले मधेस सरकारबाट दुई मन्त्रीलाई फिर्ता बोला..
काठमाडौं, जेठ ८ : जनमत पार्टीले मधेस सरकारका दुई जना मन्त्रीलाई फिर्ता बोलाउने निर्णय गरेको छ। सिके राउत नेतृ..
1 दिन पहिले
परराष्ट्रमन्त्री डा.राणा र जापानी विदेशमन्त्रीबीच भेटव..
काठमाडौं, जेठ ८ : परराष्ट्रमन्त्री डा.आरजु राणा देउवा र जापानी विदेशमन्त्री इवाया ताकेसीबीच विहीबार भेटवार्ता ..
1 दिन पहिले
आज देशभर बदली हुने
काठमाडौं, जेठ ८ गते । हाल देशमा पश्चिमी तथा स्थानीय वायुको प्रभाव रहेको तथा बङ्गालको खाडी र अरब सागरबाट आएको जलव..
2 दिन पहिले
भूमि विधेयक असंवैधानिक भएको संघीय लोकतान्त्रिक मोर्चाक..
काठमाडौं, जेठ ७ : मधेशकेन्द्रित दलहरू संलग्न संघीय लोकतान्त्रिक मोर्चाले भूमि सम्बन्धी विधेयक असंवैधानिक भएको..
2 दिन पहिले
‘मधेश प्रदेशको नीति तथा कार्यक्रम चाँडै आउँछ’
जनकपुरधाम,जेठ ७ गते । मधेश प्रदेश सरकारका प्रवक्ता एवं गृह, सञ्चार तथा कानून मन्त्री राजकुमार लेखीले मधेश प्र..
2 दिन पहिले