Janakpurdham
Fri, May 23, 2025
`

दिल्लीमा पानीको अभाव, अनिश्चितकालीन भोक हड्तालमा बसिन् जलमन्त्री

11 महीना पहिले प्रकाशित

Esandhyakalin

`

एजेन्सी,

नयाँदिल्ली,जेठ ८ गते ।। गर्मीको समयमा शहर लगातार तातो हुँदै जाँदा शनिबार राजधानी दिल्लीका केही भागमा ट्याङ्करबाट पानी ल्याउन मानिसहरूको लामो लाइन देखिएको थियो ।

गर्मीमा राजधानी दिल्लीमा पानीको अभावका कारण मयूर विहार क्षेत्रका गाउँ, सञ्जय कलोनी, ओखला क्षेत्र र गीता कलोनीका मानिसहरू लाइनमा उभिएर क्यान र बाल्टी समातेर पानीको ट्याङ्कर वरिपरि घुमिरहेको बिहानको दृश्यले देखाएको छ ।

बढ्दो तापक्रमको बीचमा यी दृश्यहरू यो वर्षको गर्मी मौसम सुरु भएदेखि नै राजधानी क्षेत्रमा दैनिक घटना बनेका छन् ।

 यसैबीच पानी सङ्कटमा राजनीतिक खिचातानीको बीचमा दिल्लीकी जलमन्त्री आतिशी शुक्रबार हरियाणा सरकारले दिल्लीको पानी नछोडेको आरोप लगाउँदै अनिश्चितकालीन भोक हड्तालमा बसेकी छन् ।
 त्यस्तै दिल्लीका मुख्यमन्त्री अरविन्द केजरीवालकी पत्नी सुनीता केजरीवालले न्यायिक हिरासतमा रहेका मुख्यमन्त्रीको सन्देश पढ्दै दिल्लीका जनता पानीको अभावबाट पीडित भएको देखेर अरविन्द केजरीवाल दुःखी भएको बताइन् ।

उनले भनेकी छन्, ‘केजरीवाल टीभीमा दिल्लीका मानिसहरू पानीको अभावका कारण पीडाको सामना गर्न बाध्य भएको देखेर आफूलाई दुःख लागेको भावना सम्प्रेषण गरिदिनु भयो । केजरीवालले आतिशीको ‘तपस्या’ सफल हुने र दिल्लीवासीले पानीको समस्याबाट राहत पाउने आशासहित अतिशीलाई शुभकामना दिनुभयो ।’

यद्यपि भारतीय जनता पार्टीले भने पानी सङ्टलाई लिएर दिल्ली सरकारलाई आक्रमण जारी राखेको छ ।

भाजपाका सांसद बांसुरी स्वराजले आप सरकारले ‘भ्रष्टाचारलाई प्रोत्साहित गर्न’ संकटलाई ‘योजनाबद्ध’ गरेको आरोप लगाए ।

पानीको सङ्कट प्राकृतिक सङ्कट नभई केजरीवाल सरकारले आफ्नै भ्रष्टाचारलाई प्रोत्साहित गर्दै अवैध ट्याङ्कर माफियालाई प्रोत्साहित गर्ने योजना बनाएको स्वराजले उल्लेख गरे ।

उनले शहर सुख्खा भइ दिल्ली असहज अवस्थामा हुँदा केजरीवाल सरकार केवल नाटकमा लिप्त रहेको उल्लेख गर्दै मन्त्री आतिशीले पर्याप्त कदम चाल्नुको सट्टामा केवल नाटकमा व्यस्त भई दिल्लीवासीलाई अनसनको धम्की दिइरहेको बताए । 

साभार : नेपाल प्रेस



`
12 comments
जनमत पार्टीले मधेस सरकारबाट दुई मन्त्रीलाई फिर्ता बोला..

काठमाडौं, जेठ ८ : जनमत पार्टीले मधेस सरकारका दुई जना मन्त्रीलाई फिर्ता बोलाउने निर्णय गरेको छ।  सिके राउत नेतृ..

18 घन्टा पहिले

परराष्ट्रमन्त्री डा.राणा र जापानी विदेशमन्त्रीबीच भेटव..

काठमाडौं, जेठ ८ : परराष्ट्रमन्त्री डा.आरजु राणा देउवा र जापानी विदेशमन्त्री इवाया ताकेसीबीच विहीबार भेटवार्ता ..

18 घन्टा पहिले

आज देशभर बदली हुने

काठमाडौं, जेठ ८ गते । हाल देशमा पश्चिमी तथा स्थानीय वायुको प्रभाव रहेको तथा बङ्गालको खाडी र अरब सागरबाट आएको जलव..

1 दिन पहिले

भूमि विधेयक असंवैधानिक भएको संघीय लोकतान्त्रिक मोर्चाक..

काठमाडौं, जेठ ७ : मधेशकेन्द्रित दलहरू संलग्न संघीय लोकतान्त्रिक मोर्चाले भूमि सम्बन्धी विधेयक असंवैधानिक भएको..

1 दिन पहिले

‘मधेश प्रदेशको नीति तथा कार्यक्रम चाँडै आउँछ’

जनकपुरधाम,जेठ ७ गते ।  मधेश प्रदेश सरकारका प्रवक्ता एवं गृह, सञ्चार तथा कानून मन्त्री राजकुमार लेखीले मधेश प्र..

2 दिन पहिले