चिनियाँ राष्ट्रपतिले भारतीय प्रधानमन्त्रीलाई पठाए सान्त्वना सन्देश
5 वर्ष पहिले प्रकाशित
Esandhyakalin
बेइजिङ — कोरोना महामारीका कारण थलिँदै भएको भारतलाई चिनियाँ राष्ट्रपति सी चिनफिङले सान्त्वना सन्देश पठाएका छन् ।
शुक्रबार सीले भारतीय प्रधानमन्त्री नरेन्द्र मोदीलाई एउटा सन्देश पठाएर कोरोना महामारीको अवस्थाबारे आफ्नो ऐक्यबद्धता सन्देश पठाएका हुन् । सीले भने, ‘मानव जाति सुखदुःख समान भएको एउटै भाग्य समुदायको हो । सबै मुलुकहरू मिलेर महामारीलाई परास्त गर्नुपर्छ ।’
राष्ट्रपति सीले महामारीको यो कठिन घडीमा भारतलाई सहयोग गर्ने प्रतिबद्धता पनि जनाएका छन् । उनले भारतसँग मिलेर महामारी रोकथाममा सहकार्य गर्ने इच्छा देखाउँदै भारतलाई आवश्यक समर्थन र सहायता गर्न इच्छुक रहेको उल्लेख गरेका छन् । तर सन्देशमा उनले सहयोगको रुपरेखाबारे केही उल्लेख गरेका छैनन् ।
दोक्लाम विवादलगायत अनेक मामिलामा भारत र चीन ठूलो मतान्तरका बढेका सन् २०१८ को अप्रिल २७ र २८ तारिख चीनको हुपेइ प्रान्तस्थित वुहानमा शिखर वार्ता भएको थियो । सो वार्तापछि दुवै देशबीच सम्बन्ध सुधारिएको थियो । सो वार्ताको ३ वर्ष पुगेको सेरोफेरोमा सीले मोदीलाई सम्झिएर सान्त्वना सन्देश पठाउनु अर्थपूर्ण मानिएको छ ।
गत मार्चको अन्त्यतिर विश्व स्वास्थ्य संगठनले भारतमा दुई पटक उत्परिवर्तित भएको कोरोना भाइरस भेटिएको बताएको थियो । पछिल्लो समय संक्रमितको संख्या ३ लाख हाराहारी पुग्ने गरेको छ । श्रीलंकामा पनि कोभिडको नयाँ उत्परिवर्तित भाइरस भेटिएको छ भने बंगलादेशमा लकडाउन गरिरहेको छ । दक्षिण एशियाली मुलुकहरूमा महामारीको कडा प्रतिक्रिया देखापरेको छ।
अहिंसा, मैत्री, करूणा र प्रज्ञाको सन्देशलाई व्यवहारमा उत..
काठमाडौं, वैशाख १७ : राष्ट्रपति रामचन्द्र पौडेलले शान्ति, सह–अस्तित्व, मध्यम मार्ग र करुणामा आधारित बुद्धको दर्..
4 घन्टा पहिले
विपक्षी दलहरूको संयुक्त बैठक : सरकारका नीतिप्रति कडा आपत..
काठमाडौं, वैशाख १७ : नेकपा (एमाले) राष्ट्रियसभा संसदीय दलका नेता प्रेमप्रसाद दंगालको अध्यक्षतामा विपक्षी दलहरूको..
5 घन्टा पहिले
मालपोत कार्यालय सेवा प्रवाहको डिजिटल अनुगमन सुरु
काठमाडौं, वैशाख १६ : भूमि व्यवस्था, सहकारी तथा गरिबी निवारण मन्त्री प्रतिभा रावलले देशभरका मालपोत कार्यालयहरूबाट..
1 दिन पहिले
जनकपुरधाममा मासुमा ठगी र अस्वस्थकर अभ्यास बढ्दो, उपमहान..
जनकपुरधाम , वैशाख १६ गते । दिनप्रतिदिन बढ्दै गएको महँगीका बीच उपभोक्ताले गुणस्तरीय वस्तु नपाउने समस्या झन् गम्..
1 दिन पहिले
आजदेखि नयाँ शैक्षिकसत्र सुरु
काठमाडौँ, वैशाख १५ : आजदेखि नयाँ शैक्षिकसत्रको औपचारिक थालनी हुँदैछ । सरकारको निर्णयअनुसार हरेक वैशाख १५ गतेदेखि..
2 दिन पहिले